Қарағанды облысында өзеннен жүзге жуық киіктің өлексесі табылды: Министрлік түсіндірді
Қарағанды облысындағы Құлан өзенінің жағасынан 86 киіктің өлексесі табылды. Бұл туралы Stan.kz ақпарат агенттігі хабарлайды.
ҚР Экология және табиғи ресурстар министрлігі оқиғаға қатысты түсініктеме берді.
"26 маусымында Қарағанды облыстық орман шаруашылығы және жануарлар дүниесі аумақтық инспекциясы қызметкерлерінің, сондай-ақ Нұра ауданы бойынша табиғатты қорғау полициясы қызметкерлерінің қатысуымен өткен бірлескен рейді барысында, Құлан өзенінен 86 киіктің өлексі табылды", - делінген хабарламада.
Министрліктің мәліметінше, киіктердің өлексесінде ыдырау белгілері бар, сондықтан олардың жынысын анықтау мүмкін болмаған. Бұл ретте жануарлар терісінің жоғарғы қабатында оқ пен тесілген жердің іздері табылмаған.
"Өлген киіктердің өлекселері судан алынып, арнайы полигонға жеткізіліп, жойылды. Киіктердің жаппай қырылуына өзеннен өту кезінде суға батып кету себеп болған", - делінген экология министрлігінің хабарламасында.
Қазақстан әйелдерінің үйдегі тегін еңбегінің құны қанша: Есептеп көрдік
