"Қаңқу сөз "өгей" десе де": Тамара Асар күйеуінің марқұм ұлына жазба арнады

Фото: https://www.instagram.com/tamara_assar_official/

Танымал әнші Тамара Асар күйеуінің бірінші некесінен туған марқұм ұлы Әлішерге арнап жазба жариялады. Бұл туралы Stan.kz ақпарат агенттігі хабарлайды. 

Өнер иесінің жоқтауы көпшілікті жылатты. 

"Өндірдей болған өрен-ау,

Бауырыма басқан "бөлегім".

Құлағыңа сенің жетті ме,

Қапыда шыққан өлең-ау?..

Жұртшылық келдің жиылып,

Жұбатып жаттың қиылып.

Жұмаштың парлап көз жасы,

Жүрегіме толды-ау құйылып.

Әлішер кеттің шалғайға,

Сен қайда бүгін, мен қайда?

Торқадай болып топырағың,

Иманың жолдас болғай да.

Дұғада күнде отырмын

Талай да әлі оқырмын.

Қаңқу сөз "өгей" десе де,

Қайырын сұрап отырмын”, – деп жазды әнші. 

• "Мені көрген күннен "Мама" деді": Тамара Асар өгей ұлына жазба арнады

• "Еркектің әділетсіздігіне көну керек": Тамара Асардың әйелдерге берген кеңесі қызу талқыға түсті

Одан кейін қайғы кезінде демеу болған көпшілікке алғыс айтты. 

"Қиындықта қасымызда болып, алыстан-жақыннан көңіл айтып, қиындық бөліскен әрбір жанға бас иіп, рақметімізді айтамыз. Алланың ісіне шара жоқ, артының қайырын сұраймыз. Құдайдан үмітіміз бар. Жақсы күндер көп болсын. Жастар аман болсын! Дұғадамыз!", – деді эстрада жұлдызы. 

Еске салайық, әншінің ұлын көлік қағып кеткен еді.