"Қаладағы жағдай күрделі": Энергетика министрі Алматыдағы ЖЭО-3 жаңғырту қарқынын сынға алды
Фото: t.me/Minenergokz
Энергетика министрі Ерлан Ақкенженов Алматыдағы ЖЭО-3 жаңғырту қарқынын сынға алды. Бұл туралы Stan.kz ақпарат агенттігі хабарлайды.
Энергетика министрі Алматыдағы жылу орталықтарын газға көшіру жөніндегі жобалардың жүзеге асырылу барысын тексерді. Министр ЖЭО-2 және ЖЭО-3 құрылыс алаңдарын аралап шықты.
“Алматы қаласында экологиялық жағдай күрделі. Жылу электр стансаларын газға көшіру – мемлекет басшысының тапсырмасы және халық алдындағы міндетіміз. Бұл мәселеде қателесуге жол жоқ”, – деді энергетика министрі мердігерлерге арнаған сөзінде.
Министрлік мәлімтінше, ЖЭО-2 нысанын аралау барысында оң нәтиже байқалған. Алайда ЖЭО-3 нысанындағы жұмыстардың кестеден кеш жүргізіліп жатқаны анықталды.
“ЖЭО-3 құрылыс алаңындағы жағдайды министр қатаң сынға алды. Министр жобаның бекітілген кестеден кеш жүргізіліп жатқандығын алға тартып, бас мердігер ұйымның жұмысты жүйелі ұйымдастыра алмағанын атап өтті”, – делінген министрлік хабарламасында.
Аталған жобаның жүзеге асырылуы энергетика министрлігінің тұрақты бақылауына алынып, жауапты тұлғалар апталық есеп беруге міндеттелді.
Еске салсақ, бұған дейін Алматыдағы жылу электр орталықтарының қашан газға көшетіні белгілі болғаны туралы жазған едік.
Жаңа үйленсе де өзге қыздарға жазады: Қазақстандық психолог неліктен ерлердің опасыздыққа баратынын айтты
Желі қолданушысы: "Бір ғана әйелмен ол қызықсыз. Басқасын да көргің келеді"
"Күніне 6 миллион 406 мың теңге табады": ТОП-10 қазақстандық шенеуніктердің бай әйелдері
Ерболат Досаевтың жұбайы Гүлнар Досаева Қазақстандағы люкс санатындағы компаниясының тең иесі