Израиль премьер-министрі Иранның рухани көсемі Хаменеиді өлтіруден тайынбайтынын айтты

Израиль премьер-министрі Биньямин Нетаньяху ABC News телеарнасына Иранның рухани жетекшісі Әли Хаменеиге шабуыл жасап, Израиль мен Иран арасындағы басталған соғысты шиеленістірмей, тоқтататынын айтты. Бұл туралы Stan.kz ақпарат агенттігі ABCNews арнасына сілтеме жасап хабарлайды.

ABC News агенттігі президент Дональд Трамптың соғыс өршіуінен қорқып, Израильдің Иранның жоғарғы басшысын өлтіру жоспарын қабылдамағаны туралы сұрады. Нетаньяху "Бұл қақтығысты ушықтырмайды, оны аяқтайды" деп жауап берді.

“Жарты ғасырлық қақтығыстар жалғасып жатыр, олар Таяу Шығыстағының барлығын үрейлендіріп отыр. Сауд Арабиясындағы Aramco мұнай кен орындарын бомбалады, терроризмді, диверсияны барлық жерде таратты. Иран "мәңгілік соғысты" қалайды және олар бізді ядролық соғыстың шегіне жеткізіп жатыр. Шынында, Израиль бұған тосқауыл қойып жатыр, біз мұны тек зұлым күштерге қарсы тұру арқылы жасай аламыз", – деді Нетаньяху.

"Израиль жоғарғы көшбасшыға шабуыл жасай ма?" деген сұраққа Нетаньяху Израиль "өзіне тиісті нәрсені істеп жатыр" деді.

"Мен егжей-тегжейіне тоқталмаймын, бірақ біз олардың басты ядролық ғалымдарын нысанаға алып отырмыз. Олар негізінен Гитлердің ядролық командасы", – деді Израиль премьер-министрі.

Нетаньяху Иранның ядролық бағдарламасын жою жолында Америка Израильге қолдау көрсету керек дейді.

"Бүгін Тель-Авив. Ертең Нью-Йорк. Бұл адамдар "Америкаға өлім" деп ұрандатады. Сондықтан біз адамзатқа керек нәрсені жасаймыз және бұл Америка жақсылықты қолдайды, қолдауы керек және мен оның қолдауын қатты бағалаймын ", – деді ол.

Израиль премьер-министрі Иранның соғыс қимылдарын тоқтатып, ядролық бағдарламасы бойынша келіссөздерді қайта бастауға дайын деген хабарын жоққа шығарды.

"Мен таңғалмаймын. Айтайын дегенім, олар жалған келіссөздерді өтірік айтып, алдап жалғастырғысы келеді. Ал бізде бұл туралы өте жақсы ақпарат бар. Олар өздерінің ядролық қаруларын жасауды және баллистикалық зымырандардың жаппай арсеналын құруды жалғастырғысы келеді. Олай болмайды", – деді Израиль өкілі.

Журналист Нетаньяхудан Трамптың өтінішімен бомбалауды тоқтатып, дипломатиялық келіссөздерді жалғастыра ала ма деп сұрады.

"Президент Трамп ұлы көшбасшы, бейбітшіліктің, әлемнің ұлы көшбасшысы және Израильдің тамаша досы болды. Ол келіссөз кезінде талаптарын нақты айтты", – деді Нетаньяху.

Еске салайық, 13 маусымға қараған түні Израиль Қорғаныс армиясы Иранға қарсы ауқымды әскери операция бастаған еді. Иран қарымта жауап ретінде дрондар ұшырды.

16 маусымда Түркіменстанның сыртқы істер министрлігі Қазақстан, Қырғызстан, Өзбекстан, Тәжікстан, Румыния және басқа да елдерден 120-ға жуық адам өткізу бекеттері арқылы Түрікменстан шекарасына өткенін мәлімдеді.