Индонезия жағалауында жолаушылар паромы өртенді: Бортта 280 адам болған
Фото: Видео кадрларынан скрин
Индонезия жағалауында 280 адам бар жолаушылар паромы өртеніп кетті. Бұл туралы Stan.kz ақпарат агенттігі The Sun порталына сілтеме жасап хабарлайды.
Ақпаратқа сәйкес, қою қара түтін төменгі палубалардан көтеріле бастағанда, кемеде дүрбелең басталған. Куәгерлер әлеуметтік желіде жолаушылардың айқайлап, көмек сұрап жатқан сәттері түсірілген видеолармен бөліскен.
"Адамға лық толы паромда үлкен өрт шықты. Жолаушылар суға секіруге мәжбүр болды. Ондаған адам қамалып қалуы мүмкін", – деп жазды басылым.
Кемедегі қызметкерлер жолаушыларға құтқару кеудешелерін кигізуге көмектесіп, кейін олар суға секірген.
Қазіргі уақытта билік оқиғада қаза тапқандар туралы ақпаратты растаған жоқ.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады
Қазақстанда биыл БАҚ өкілдерін марапаттауға 35,2 миллион теңге бөлінген
Ал 2021 жылы журналистерді ынталандыруға тек 14,5 миллион теңге бөлінген