"Иә, ол мені қылқындырып тастаған": Рахмоновтың қарсыласы спаррингте жеңіліп қалғанын мойындады
UFC 310 турнирінде Шавкат Рахмоновқа қарсы жекпе-жек өткізетін ирландиялық Иэн Мачадо Гэрри спарринг кезінде “Номадтың” қылқындырып тастағанын мойындады. Бұл туралы Stan.kz ақпарат агенттігі хабарлайды.
Фото: instagram.com/iangarry
Жеңілістің кермек дәмін татпаған Иэн Гэрри Шавкат Рахмоновпен бірге дайындық кезіндегі спаррингте қылқындыру әдісіне түсіп қалғанын айтып, отандасымызға есе жібергенін мойындады.
“Иә, Шавкат өтірік айтқан жоқ, спаррингте мені қылқындырып тастағаны рас. Дегенмен спаррингте бәрі болуы мүмкін. Менде небір мықты жауынгерлердің мысын басқанмын. Бірақ Шавкат мені екі жыл бұрынғы Иэн деп ойласа қатты қателеседі. Мен жекпе-жек мықтылығымды дәлелдеп, күллі әлемді мойындатамын”– деді Гэрри.
Айта кетейік, Шавкат Рахмоновтың келесі жекпе-жегі 8 желтоқсанға қараған түні Лас-Вегаста өтетін UFC 310 турнирінде өткізеді. Ол жеңіліп көрмеген ирландиялық Иэн Гэрриге қарсы жұдырықтасады. Бұл жекпе-жек жартылай орта салмақтағы чемпион Белал Мұхаммадқа қарсы жекпе-жекке үміткерді анықтайды.
