Хасан Қасымбаевқа жаза жеңілдетілмеді: Сот үкімі күшінде қалды

Фото: Әлеуметтік желіден

Апелляциялық сот ММА файтері Арман Әлімовты ұрлау ісі бойынша сотталған Хасан Қасымбаевқа қатысты үкімді өзгеріссіз қалдырды. Ол 12 жылға бас бостандығынан айыру жазасын өтейді. Бұл туралы Stan.kz ақпарат агенттігі хабарлайды. 

Апелляциялық сот ММА файтері Арман Әлімовты ұрлау ісі бойынша сотталған Хасану Қасымбаевқа қатысты үкімді өзгеріссіз қалдырды. Қорғау тарапының шағымы қанағаттандырылмады, ол 12 жыл мерзімге бас бостандығынан айыру жазасын өтейтін болды.

Сот шешіміне сәйкес, Қасымбаевқа қатысты шығарылған үкім заңды күшіне енді. Бұған дейін оның есімі "Хуторские" деп аталатын ұйымдасқан қылмыстық топпен байланыстырылған. Алайда құқық қорғау органдары мұндай топтың бар екенін де, сотталған азаматтың

Шерзат Полаттың резонанс тудырған өліміне қатысы барын да жоққа шығарды. Осылайша, апелляциялық алқа бірінші сатыдағы сот үкімін өзгеріссіз қалдырды.

• 10 миллион теңге бопсалап, 50 миллион алаяқтық жасаған: Қазақстандық полиция ардагері бас бостандығынан айырылды

• "Осындай қадамға баруға тура келді": Талғар қаласының әкімі қызметінен кетті

Еске салайық, бұған дейін Алматы облысының Талғар аудандық сотында Хасан Қасымбаевқа және тағы бес айыпталушыға қатысты қылмыстық іс қаралды. Тергеу нұсқасы бойынша, олар адам ұрлау, пара талап ету және денсаулыққа қасақана ауыр зиян келтіру баптары бойынша айыпталған. Мемлекеттік айыптаушы Хасан Қасымбаевқа 15 жыл жаза сұрағанымен, сот оны 12 жылға бас бостандығынан айырып, жазаны орта қауіпсіздік мекемесінде өтеуді белгіледі. Ал 26 қарашада Хасан Қасымбаев үкімге апелляциялық шағым түсірген еді.