Халықаралық ауыр атлетика федерациясының делегациясы Қазақстанның Ұлттық олимпиада комитетінің кеңсесіне барды
Халықаралық ауыр атлетика федерациясының (IWF) президенті Мұхаммед Джалуд Аль-Шаммари бастаған делегация Қазақстанның Ұлттық Олимпиада комитетінің кеңсесінде кездесу өткізді. Бұл туралы Stan.kz ақпарат агенттігі хабарлайды.
Фото: olympic.kz
Кездесуге ауыр атлетика федерациясының басшысы және Бахрейн Ұлттық Олимпиада комитетінің вице-президенті Исхақ Ибрагим Исхақ Абдулрахман, Қазақстан Ұлттық Олимпиада комитетінің бас хатшысы Әлімжан Ақаев, Қазақстан ауыр атлетика федерациясының президенті Хаджи Хаджиев, сондай-ақ Қазақстанның ұлттық антидопинг орталығының (КазНАДЦ) директоры Майра Бакашева қатысты.
Ресми шара Астанадағы Қазақстан Ұлттық Олимпиада комитетінің штаб-пәтерінде өтті.
Кездесу барысында тараптар ынтымақтастықтың одан әрі дамуы жөнінде жоспарларын талқылады. Негізгі тақырыптар арасында халықаралық жарыстарды ұйымдастыру, спортшыларды кешенді турнирлерге дайындау және ауыр атлетиканы дамытуға бағытталған бірлескен жобаларды жүзеге асыру мәселелері көтерілді.
Мұхаммед Джалуд Аль-Шаммари өткен әлем чемпионатында Қазақстан құрамасының жетістіктерін атап өтті. Ол әлемдік бәсекедегі Қазақстан спортшыларының керемет нәтижелеріне ерекше назар аударды.
Айта кетейік, 2024 жылдың желтоқсанында Бахрейн астанасы Манамада өткен ауыр атлетикадан әлем чемпионатында Қазақстан ерлер құрамасы 2 алтын және 1 күміс медаль жеңіп алған еді. Нұрғиса Әділетұлы мен Артем Антропов алтын медальді иеленсе, Алексей Чуркин күміс жүлдемен марапатталды.
