AAPL
138.93 $
1.62 %
TSLA
681.79 $
1.24 %
NDAQ
155.59 $
2 %
GOOGL
2174.75 $
-0.21 %
FRHC
44.39 $
0.09 %
AAPL
138.93 $
1.62 %
TSLA
681.79 $
1.24 %
NDAQ
155.59 $
2 %
GOOGL
2174.75 $
-0.21 %
FRHC
44.39 $
0.09 %
Соңғы жаңалықтар
Соңғы жаңалықтар

"Госпитальде қолын сындырып жіберген": Шымкентте талма ауруы бар ұлын әскерге күштеп алып кеткенін айтқан жалғызбасты ана министрден көмек сұрады

Гүлжанат Жылқыбаева ұлы Қайсар Жылқыбаевтың әскерге заңсыз жіберілгенін айтып, шағымданып отыр. Оның сөзінше, баласын Шымкент қаласы Абай ауданындағы әскери бөлімнің қызметкерлері дәрігерлік тексерістен өткізбестен оны Семей қаласына әскери борышын өтеуге жіберген, деп хабарлайды Stan.kz ақпарат агенттігі. 

Анасының айтуынша, ұлының басы ауырады, арасында тіпті талма ауыруы ұстап қалады. Әскерге кетпес бұрын ем қабылдап жүрген, сондай-ақ дәрігерлердің тексеруінен өтуі керек болған. Алайда әскери бөлімдегілер Қайсар Жылқыбаевтың келісімінсіз құжаттарына қол қойып, оның ауруын жасырып, Семейге жөнелтіп жіберген көрінеді.

“Қайсарды әскери бөлімшеге шақырып алып, екі күн бойы ұстаған. Соңғы күні тіпті, бізге ескертпестен алып кетіп отыр. Ал біз оны барлық жерден шарқ ұрып іздедік. Бір жерде құлап қалды ма деген қорқыныш болды. Сөйтсек, әскери қызметкерлер ұстап отырыпты. Негізінде оның басы ауыратын, арасында талма ауыруы ұстап қалады. Әскери бөлімдегілер медициналық тексеруден өткізбепті. Тіпті, олар баламның ауру екеніне сенбей, өзінің сырқат екенін қанша дәлелдегісі келсе де ұсынған құжаттарына көңіл аудармай қойған”, – дейді Қайсардың анасы Гүлжанат Жылқыбаева. 

Төмендегі видеодан сарбаздың ауру екенін айтып, жібермеуді сұрап жатқан туыстарының сөзін Шымкент әскери бөлімінің қызметкерлері құлағына ілмей жатқанын көруге болады. Өзінің подполковник ретінде таныстырған қызметкер сарбаз келеңсіз жағдайға ұшыраса өзінің жауап беретінін айтады. 

Ал Қайсар Семейге барғаннан кейін төрт күннен соң ауырып, госпитальге түскен. Ол жақтағылар баланың ауру екенін білмедік деген көрінеді. 

“Семейдегілер інімді тексеру үшін Нұр-Сұлтанға апарған. Ол жақта да талмасы ұстап, анализдер тапсырыпты. Не істегенін білмейміз, әйтеуір астанадағы госпиталдьде ем қабылдап жатқанда баланың қолы сыныпты. Бұған енді не айтарымды білмей отырмын. Қайсарды өтірік істеп жатыр ма деп ойласа керек, қолын басқан көрінеді. Ал анасы Шымкенттің прокуратурасына баланы ауруына мән берместен алып кеткен әскерилердің үстінен шағымданып, арыз жазған. Алайда олар бәрі жақсы болады, ешкімге ештеңе айтпаңыз деп шығарып салыпты. Бірақ мен прокуратураға да сенбей отырмын”, – дейді Қайсардың әпкесі Айгүл. 

Қайсардың қолында құжаттары барын дәлелдейтін сурет

Осы жағдай бойынша Stan.kz ақпарат агенттігі Қорғаныс министрлігіне жүгінген болатын. Ведомство дерегінше, қатардағы жауынгер 24 жастағы Жылқыбаев Қайсар әскери мерзімді қызметке өз еркімен шақырылған. 

“Бұл туралы оның қолхаты бар. Мерзімді әскери қызметке шақырылғанға дейін медициналық мекемелерде диспансерлік есепте тұрмаған. Медициналық сараптамадан өту барысында денсаулығына шағымданбаған. Психологиялық зерделеу нәтижесі бойынша моральдық психологиялық тұрғыдан мерзімді әскери қызмет атқаруға "ұсынылған". Қызмет ету орнына жетіп, әлсіздікті сезінгеннен кейін, Семей қаласының әскери госпиталіне жатқызу туралы шешім қабылданды”, – делінген хабарламада. 

Сондай-ақ министрлік қазіргі уақытта Қайсар Жылқыбаевтың Нұр-Сұлтан қаласындағы қорғаныс министрлігінің Бас әскери-клиникалық госпиталінде толық тексеруден және медициналық куәландырудан өтіп жатқанын айтты. 

Алайда Қайсардың туыстары Шымкент әскери бөліміндегілердің жалған ақпарат таратып отырғанын айтып, қорғаныс министрі Руслан Жақсылықовтан тергеудің әділ өтуін жеке бақылауына алуды сұрап отыр. 

“Мен төрт балам бар жалғызбасты анамын. Онымен қоса, мүгедектігім бар. Біздің Шымкентте ешқандай заң жоқ. Ауру баланы біздің жанайқайымызға қарамастан алып кетті. Онымен қоймай, бізді балағаттады деп үстімізден арыз жазды. Сондай-ақ Қорғаныс министрлігіне де жалған ақпарат беріп отыр. Біздің шындықты айтқанымызды дәлелдейтін айғақтар жетеді. Куәгерлеріміз де бар. Егер Қорғаныс министрі бұл мәселеге көзін жұмып қарайтын болса, басқа не істейтінімізді білмеймін. Шымкент прокурорларының өзі бұл мәселені қылмыстық іс деп айтты. Біз оны өз құлағымызбен естіп, жазып алдық. Бірақ қазір олар әскери бөліидегілермен ауыз жаласып, істі жабуға тырысуда. Қазір баламыздың жағдай туралы дұрыс хабар ала алмай да отырмыз. Қорғаныс министрі Руслан Жақсылықовтан ұлымды әскерге заңсыз жіберген тұлғаларды жазалауын және Қайсардың әскерден босатылуын сұраймын. Тергеудің әділ өтуін жеке бақылауыңызға алсаңыз екен”, – дейді Гүлжанат Жылқыбаева. 



Бұнымен қоса бас әскери прокурордың орынбасары Сәкен Ермекбаев оқиғаға қатысты пікір білдірді. 

“Сарбаздың жеке ісін қарап, оның денсаулығына шағым келтірмегенін, басының ауыратынын, арасында талма ауруы ұстап қалатынын жəне ем қабылдап жүргенін мəлімдемегені анықталды. Жылқыбаевты əскери қызметке шақыруды кейiнге қалдыруға негіз болмауына байланысты, ол мерзімді əскери қызмет өткеруге жіберілген. Аталған дерек бойынша, мамандар қорытындысы келіп түскен соң Бас әскери прокуратура Шымкент гарнизонының əскери прокуратурасымен Қайсар Жылқыбаевты əскерге заңсыз жіберу дерегі тексеретін болады”, – дейді Сәкен Ермекбаев. 

Талқылау
Пікір
Maira
16 Мау, 22 жыл - 17:43

Кәзір көбі өтірік ауру болып қашады отан алдындағы борышын өтеуден. Растайтын құжаты болмаса, еш жерде учетта тұрмаса онын ауру екенін қайдан біледі. Сөзіне сеніп алып қалмайды ғой. Оларда өз міндетін атқарып жүрген адамдар. Заң орындау керек. Ауру болып басты алып қашпай. Заң бәріне біреу. Шатақ шығарып қызметтегі кісілерге зіркілдеп. Олардыңда басы екеу емес денсаулығы жарамайтын баланы жіберетін. Қазір 20 жасар балдар мамаларының етегіне жабысып кеткісі келмейді, сызылып қыздардан бетер. Бару керек деп ойлаймын балдар көп заты үйреніп тұлға болып келеді. 

Боранбай
15 Мау, 22 жыл - 20:21

Бұлай болмайды. Қалай денсаулығын тіксерістен өткізбей армияға неге жібереді. Қорғаныс министрі қайда қарап отыр. Іске қатысы барлар қатаң жазалансын.Адам өмірі ойыншық емес

Қазір оқып жатыр
Қазір оқып жатыр