Геннадий Головкин Лондондағы 02 аренаға келіп жетті (видео)
Қазақстандық боксшы Геннадий Головкин британиялық Келл Брукке қарсы жекпе-жекті өткізу үшін Лондондағы 02 аренаға келіп жетті.
Фото: vk.com
Қазақстандық спорт аренасына өз командасымен бірге келген. Ол көліктен құлаққап таққан күйі түсіпті. Оның сондай-ақ, шаршы алаңға қандай спорттық киімде шығатыны да белгілі болды. Бұл ВКонтакте желісіндегі GGG ресми парақшасында жарияланды.
Головкин-Брук жекпе-жегі бүгінгі бокс кешіндегі басты кездесу. Қазіргі таңда бокс кешінің трансляциясын “Қазақстан” және Kazsport телеарналары тікелей эфирде таратуда.
Головкин-Брук шайқасы Астана уақытымен сағат 03:30 да басталады. Қазіргі таңда басты жекпе-жекке дейінгі бұл андеркарттағы кездесулер өткізілуде. Бұған дейін Гена аталмыш жекпе-жек барысында төрешілер шешімі қажет болады деп ойламайтынын айтқан еді. Сондай-ақ, әйгілі футболшы Златан Ибрагимовичтің Головкинге жанкүйер болуы үшін бокс кешіне арнайы баратындығы айтылған еді.
Айта кеткен жөн, соңғы салмақ өлшеу рәсімінде Головкин Бруктан жеңілірек болып шықты. Қазақстандық боксшының салмағы 158,9 фунт (72 келі 158 грамм), ал британдық боксшы 159,4 фунт (72 келі 302 грамм) тартты. Осылайша, екі боксшы да 160 фунтқа дейінгі орта салмақ лимитіне жатады.
Оқи отырыңыздар: