Бұрынғы әнұранды қойған: Испанияда өтіп жатқан әлем чемпионатындағы ұйымдастырушылардың қателігі жұртты ашуландырды
Испанияда өтіп жатқан гандболдан әлем чемпионатында қызықты жағдай орын алды. Қазақстан және Иран әйелдер құрамасы арасындағы ойын алдында еліміздің ескі әнұраны қосылған, деп хабарлайды Stan.kz ақпарат агенттігі.
Бастапқыда қазақстандық спортшылардың таңданып қалғанын байқауға болады. Алайда Қазақстан құрамасы әнұранды жанды дауыста айтып шықты.
Ойынның өзіне келетін болсақ, матч 31:25 есебімен аяқталды. Осылайша Қазақстан әлем чемпионатының негізгі раундына жолдама алды.
Бұл әнұранымызды шатастырған алғашқы жағдай емес. 2017 жылы Сочиде Есет Қуановты марапаттау кезінде де ескі әнұран қосылған болатын. Бұл кезде жанкүйерлер мен ұлттық құрама спортшылары қолдау көрсетіп, әнұранды жанды дауыста айтқан.
2014 жылы хоккейден Қазақстан жастар құрамасына да ұйымдастырушылар ескі әнұранды қосқан.
Ал 2012 жылы Кувейтте өткен спорт жарыстарда Қазақстан туы көтерілген сәтте "Борат" фильмінің музыкасы қойылған еді.
Талқылау