Ғалымдар солақайларда бай болу мүмкіндігі көп екенін анықтады
Фото: pixabay.com
Америкалық ғалымдар солақайлардың бай болу мүмкіндігі көп екенін анықтады. Айтуларынша, оларда ерекше қасиеттер жақсы дамыған. Бұл туралы Stan.kz ақпарат агенттігі Sciencedirect порталына сілтеме жасап хабарлайды.
Зерттеу мәліметінше, әлемдегі ең ірі корпорациялардың 1000 директорының жартысына жуығы солақай екені анықталған. Олардың арасында Стив Джобс, Билл Гейтс, Джон Рокфеллер, Марк Цукерберг және басқалары бар.
"Зерттеушілер солақайлардың көбі талаптардан тыс әрекет етіп, инновациялық технологияларды жиі пайдаланып, бірегей шешімдер жасайды деп санайды. Сондай-ақ оларда сөйлеу дағдылары мен найзағайдай өткір ұстанымдар жақсы дамыған", – делінген басылымда.
Ғалымдардың пікірінше, бұл қасиеттер ерекше шешімдер шығарып, патенттер жасау қабілетіне, сондай-ақ компаниялардың нарықтағы бәсекеге қабілеттілігін арттыруға айтарлықтай әсер етуі мүмкін.
“Дегенмен байлардың жетістігі білімге, генетикаға, отбасылық тәжірибеге, мансап жолына және басқа да көптеген факторларға байланысты”, – деп қорытындылады мамандар.
"Ізімнен қалмай, бөксемді ұстады": Елордалық қыз сауда орталығында келеңсіз жайтқа тап болғанын айтты
