"Өмірде ештеңе кездейсоқ болмайды": Айсұлтан Назарбаев несімен есте қалды

"Өмірде ештеңе кездейсоқ болмайды. Мен бұған сенемін. Бәлкім жағдайдың неге бұлай болғанын бірден түсінбейтін шығарсың, бірақ уақыт өте келе барлығы өз орнына келеді", - деп жазды Айсұлтан Назарбаев. Оның болашағы жарқын болуы мүмкін еді. Жас жігітте ақша, білім, таныс, құлшыныс барлығы бар еді. Бірақ соңғы бірнеше жылда оның есімі тек жанжалмен танылды. Айсұлтан Назарбаев туралы еске түсіріп көрейік. 

Айсұлтан Назарбаев 1990 жылы 26 тамызда Қазақстан президентінің үлкен қызы Дариға Назарбаеваның және оның күйеуі, қайтыс болып кеткен бизнесмен, дипломат, бейресми мәліметтер бойынша Қазақстаннан Австрияға қашып кеткен Рахат Әлиевтің отбасында дүниеге келді.

Айсұлтан Рахат Әлиевті қиын адам деп танығанмен, бірақ соған қарамастан ол әрқашан әкесіне риза болғанын айтады.

«Әкелі бала – жау жүрек, әкесіз бала – сұм жүрек. Өз әкесін мойындаған адам – батыл. Өз әкесінен безген адам – зұлым», - мен осы сөздерді оқыдым. Әкем маған жақсы тәрбие берді, өсірді, оқытты. Дәл сол адам менің футбол мен спортқа деген махаббатымды оятқан еді. Сондықтан да мен оны әрқашан тек жақсы әке ретінде еске аламын. Қандай жағдай болмасын, өз әкесінің ұлы ретінде мен оған тек алғыс айтамын», - дейді Айсұлтан Назарбаев өз жазбасында.

Айсұлтан Назарбаев әкесінің Австриядағы елшісі қызметін атқарған кезінде австриялық «Адмира Ваккер» клубында футбол ойнауды бастаған. Президент Назарбаевтың немересі астаналық «Рахат» үшін Қазақстанның бірінші лигасында ойнады. 2006 ж. Футбол бойынша жастар арасындағы Еуропа чемпионатына іріктеу турниріне қатысты. Үш ай Челси академиясында өтті. 2007 жылы Портсмуттың жасөспірімдер құрамасында ойнап, Англия чемпионатының қола жүлдегері атанды.

Айсұлтан Астанадағы Халықаралық үздіксіз білім беру колледжінде, сондай-ақ Австриядағы "Американдық халықаралық мектеп-интернатында" оқыды. "Сандхёрст" британдық корольдік әскери академиясын 2010 жылы бітірген. 

Айсұлтан туралы «Сэндхёрст» әскери академиясындағы ұстазы Дэвид Хадсон айтып берген болатын. 

"Ол өте талапшыл жас. «Сэндхерсте» оқыған кезде өзінің ынтасын көрсетіп, әскери операцияларға қытысып, «Ерлік үшін» марапатталған", - дейді Дэвид Хадсон. 

2012 жылы Айсұлтан Назарбаев Қазақстан Қорғаныс министрлігінің барлау басқармасында жұмыс істей бастады, онда ол бір жыл ғана қызмет етті. 

Нұрсұлтан Назарбаевтың немересі 2013 жылдың 31 тамызында шаңырақ көтерген. Оның сүйіктісі «ҚазРосГаз» акционерлік қоғамының басшысы Қайрат Боранбаевтың қызы, әйгілі актер Әнуар Боранбаевтың немересі – Әлима.  Үш жылдан кейін ерлі-зайыптылардың Амели деген қызы одан кейін Сұлтан атты ұлы өмірге келеді.

Әлеуметтік желілердегі жазбаларға сүйенсек, Айсұлтан атасымен жылы қарым-қатынаста болған. Сонымен, 2016 жылы ол Нұрсұлтан Назарбаевты туған күнімен құттықтап, оны дана және мықты көшбасшы деп атады.

"Біздің ержүрек, қайсар халқымыз президентпен бірге 25 жыл ішінде ғасырға бергісіз жұмыс атқара алды. Бұл біздің ұлы, кез-келген игі іске икемді халық екенімізді анық аңғартады. Аллаға шүкір, қазақта осындай көшбасшы бар. Абылай ханның өзі қазіргі заманды көрсе президентпен мақтанар еді”, – дейді ол.

"Мен, Алладан қорқатын адам ретінде, ешкімге баға бермеймін. Ерте ме, кеш пе, бәріміз Алланың алдына барамыз. Содан кейін барлығы әділеттілікпен жазаланады. Төрелік ету әркімнің қолынан келе бермейтін ауыр жүк. Тіпті, Президент өткенді еске алып менің әкемнің тағдырын шешкен кезде қатты уайымдағанын айтады. Мен атамның батылдығына таңмын. Ол әкемнің орнына әке болып, мені жүректі жылы ұстап салқынқандылықпен өмір сүруге үйреткендердің бірі", - деп Айсұлтан атасы туралы жазды.

 

Көптеген адамдар Айсұлтанды саясаткер болуға дайындалып жатыр деп болжады. Айсұлтанның желідегі жазбалары қауесеттерге себеп болды. Сонымен, ол сол кездегі Астана қаласының әкімі Әділбек Жақсыбековті қаладағы қоқыс үшін сынға алған. Оған қоса, жеке өзі Талдықөл көлінің жанында киіз үй орнатуға уәде береді.

"Мен қарапайым Астана тұрғыны ретінде бір нәрсені айтқым келеді. Шыны керек сасық қлада өмір сүргім келмейді! Егер Талдықөлдегі киіз үй туралы Елбасының ескертуі орындалмаса, мен оны жеке орнатамын", - деп шағымданды елбасының немересі.

Айсұлтан Назарбаев 2017 жылдың 28 ақпан күні Қазақстан футбол федерациясы Атқарушы комитетінің шешімімен ФИФА, УЕФА халықаралық ұйымдары және Ұлттық Қауымдастықтарымен байланыс бойынша вице-президент міндетін атқарушы қызметіне Айсұлтан Назарбаев тағайындалған еді. Алайда, ол мұнда небары 7 ай жұмыс істеді.

2017 жылы жанжалға байланысты Айсұлтан Назарбаевтың есімі аталған болатын. Екінші дүниежүзілік соғыстың аты аңызға айналған қаһарманы генерал Иван Панфиловтың шөберелері - Ержан мен Асқар Бримжановтар жұмыс істейтін экономикалық бөлімге Айсұлтан Назарбаевтың элиталық пәтерінде итальяндық дизайнерлердің жобасына сәйкес жөндеу жұмыстарын жүргізуге тура келді. Бірақ олар жөндеу жұмыстарын аяқтай алмады. Соттан кейін Панфиловтың шөберелері әрқайсысы үшін жеті жылға бас бостандығынан айырылды, бірақ бір айдан кейін олар ақталды.

Айсұлтан Назарбаев 2017 жылы өзінің Facebook-тегі парақшасында есірткіні әкесі Рахат Әлиев өлгеннен кейін қолданғанын мойындаған. Содан кейін Айсұлтан Назарбаев «атасы мен құдіреті шексіз Алланың» арқасында нашақорлықпен күресіп жатқанын мәлімдеген. 

2017 жылдың қыркүйегінде Айсұлтан ақпарат кеңістігінен кенеттен жоғалып кетті. Ол 2018 жылдың соңында желіге қайта келіп, өзін әлдекімдердің күштеп ұстап отырғанын жария еткен. Артынша ол ешкім білмейтін мәліметтермен бөлісіп, жұртты таңқалдырған. Ол Ресей Федерациясының билігіне өзін босатылғаны үшін алғыс айтты.

Назарбаевтың жиені әлеуметтік желідегі парақшасында жазылған мәліметтерге өзгеріс енгізді. Ол өзінің тегін "Рахат" деп өзгертіп, ажырасқанын көрсеткен.

2019 жылдың шілдесінде ол өзіне қол жұмсамақ болған. Бұл аты-жөні жоқ адамның Ковент-Гарден аймағындағы пәтерінде болған. Жергілікті полиция офицері Росс Самбрукты үй бөлмесінде өзін-өзі өлтіруге жол бермеуге тырысқанда, Айсұлтан балконнан секіргісі келді.

Айсұлтан Назарбаев есірткілік заттың әсерінде полиция қызметкерлеріне қарсылық танытып, олардың бірін ұрып жіберіп, тістеп алғаны үшін кінәлі деп танылды. Тергеу нұсқасы бойынша, полиция офицерінің қолында тістің терең ізі қалып, жарадан «қан саулап аққан». 

Сот үкімі 18 айлық сынақ мерзімін талап етеді. Егер Айсұлтан Назарбаев осы мерзім ішінде заң бұзса, үкім шартты түрден қамауға ауыстырылады. 

Белгілі болғандай, Назарбаев есірткіге тәуелді адамдарға арналған әйгілі Priory жеке клиникасында емделуді аяқтады. 

БАҚ-қа берген сұхбатында Айсұлтан Назарбаевтың немересі емес, ұлы екенін айтты. Айсұлтан атасының әкесі екені туралы марқұм Әлиевтің мұрағатынан білген. Бұл ақпарат ресми түрде расталмаған. 

Алайда, ақпарат министрі Дәурен Абаев Айсұлтанның желідегі жазбасы туралы айтқан.  Министр Айсұлтанның ұзақ уақыт психоактивті заттардың әсерінде болғанын атап өтті. Ал біреу рейтингке баға қою арқылы қол жеткізеді.

Бірақ Абаевтың пікірінше, бұл адам баласының бақытсыздығына негізделген «арзан рейтингтер». Арам адамдар тәуелді адамның қиялдары туралы ол Тұңғыш Президенттің немересі болғандықтан ғана айтады.

"Елбасы - бұл біздің еліміздің дамуына үлкен үлес қосқан және жалғастыратын, жерімізде бейбітшілікті, тұрақтылықты және келісімді сақтаған адам. Қазір болып жатқан нәрсе - оны беделге түсіруге тырысу, біздің елге қысым жасау, лас ойын. Мұндай істер жазасыз қалмайды", - деді Абаев.

 

Пандемия кезінде интернетте Нұр-Сұлтандағы кедейлерге тамақ беріп жатқан жас жігіттің суреттері пайда болды. Пайдаланушылар жігіттің елбасының немересіне ұқсайтынын жарыса жазған. Өзінің парақшасында Айсұлтан тамақ таратқан өзі екенін мойындады.

"Өзімшілдігіңіз бен менмендігіңізді ұмытып, құдай үшін ғана жақсылық жасау соншалықты қиын ба? Әрбір адам қиямет күніне дейін өз эгосын жоюға тырысуы керек, өйткені сіздің менмендігіңіз шындықты білуге ​​мүмкіндік бермейді! Оны білгісі келетіндер оны сөзсіз таниды! Мен мұны жалғыз және жалғыз Құдайдың қалауымен жасаймын! Мен құдайдың алдында қаншалықты қиын болса да, айтқанын орындауға ант еттім", - деп жазды Айсұлтан.

Айсұлтанның қажылыққа барғаны белгілі болды. Ол соңғы жазбаларында тек қана Құдайға сенетінін айтқан.

Осы жылдың ақпан айында Айсұлтан Назарбаев Facebook-тегі парақшасында өзінің Ұлыбритания билігіне саяси баспана сұраған. Бұл хабарламада ол туыстарымен жаман қарым-қатынаста екендігін айтқан. Оған қоса, ол анасымен байланысын үзгенін және Ресей мен Қазақстандағы парақорлық жайлы ақпаратқа ие екенін айтқан. 

Ол Facebook парақшасын белсенді түрде жүргізді, бірақ соңғы хабарлама 17-ші шілдеде жарияланды. 

Тұңғыш мемлекет басшысы Нұрсұлтан Назарбаевтың немересі Айсұлтан Назарбаев 16 тамыз күні 30 жасына қараған шағында Лондонда көз жұмды.

Stan.kz редакциясы Айсұлтан Назарбаевтың отбасы мен туғандарына қайғырып көңіл айтады. 

Талқылау
Пікір
Қазір оқып жатыр
Çàãðóçêà...
Қазір оқып жатыр