Ал YouTube желісін аша қалсаңыз, «Әлем қазақтардан есеңгіреп қалды» («Мир в шоке от казахов») атауымен сипатталған видеолар топтамасына кезігесіз. Онда әлем халықтары қазақ әншісінің әнін тыңдаған кезде қандай күйге бөленгендерін айтып, эмоцияларын көрсеткен.

Енді, міне Димаштың талантын Франция да мойындап жатыр. Француз телеарналарының бірі Димаштың ең алғашқы кезеңде орындаған әнін көрсетіп, оны жоғары бағалаған.

Бұл туралы Жазира есімді желі қолданушысы жазған.

«Талантыңды бүкіл әлем мойындап жатыр, қазір Францияда Actuality хабарында “біздің Даниель Белавоиннің әнін жас қазақ жігіті өте тамаша орындап шықты” деп жоғары бағалады», – деп жазады ол.

Айта кетейік, Димаш Құдайбергенов Қытайда өтіп жатқан I am a Singer байқауына қатысуда. Ол сайыстың алғашқы турында танымал француз әнімен жеңіс тұғырынан көрінді. Байқаудың екінші кезеңі 28 қаңтар күні мәресіне жеткен еді. Аталған кезеңде отандасымыз Витастың әнін орындап, 1 орынды қанжығасына байлады. Ал үшінші кезеңде Димаш үшінші орынды еншіледі. Десе де қазақ әншісі жалпы есепте қарсыластарын баса озып, көш бастап тұр. Ал төртінші кезеңде Димаш қытай тіліндегі әнді акцентсіз орындап, Қытай халқын тағы да аузына қаратты. Алайда бұл кезең эфирден 11 ақпан күні көрсетіледі.

Жіберіп алмаңыз:

Димаштың қытайлық жанкүйер қыздардан қашып бара жатқан видеосы жарияланды

Димаш Құдайбергенов: Менің Қытай туралы танымым Джеки Чан киноларынан басталған

Димаш Құдайбергенов «Америка дауысына» қатыспайтын болды

Димаштың жарыста алғашқы үштіктер қатарында қалуына қытай тіліндегі әннің септігі тиген

Талқылау