Facebook қолданушылары BFF сөзі арқылы парақшаларының қауіпсіздігін тексермекші болды

Наурыз айының ортасында Facebook желісі қолданушылары арасында ВFF сөзі тарап кетті. Олардың айтуынша, бұл қауіпсіздікті тексереді. Бірақ, олай болмай шықты, басқа себебі бар екен.

Бірнеше күн бұрын қазақстандықтардың фейсбук желісінде қауіпсіздікті тексерудің қызық тәсілі пайда болды. Ондағылардың айтуынша, бұл тәсілді Марк Цукербергтің өзі ұсынған.

Қолданушылар өзің парақшасын тексеру мақсатында жазбаға немесе пікірге (комментарии)  BFF қысқарма сөзін жазды. Егер сөз жасыл түске боялса, бәрі дұрыс, парақша қорғалған. Егер қара түске боялса, демек құпия сөзді ауыстыру керек.

Бірақ желі қолданушылары қателесті. ВFF  («best friends forever» — «әрқашан ең жақсы достар») – бұл Facebook Delight статусының қызметі. Ол автоматты түрде сөз тіркестерін таңдайды және анимация паайда болады. Facebook Delight  қызметінде осы сияқты бірнеше орыс тіліндегі сөздер бар – “Поздравляю”, “Мои поздравления” және “Я люблю тебя”. Оларды әлеуметтік желі қызғылт-сары және қызыл түске бояйды. Бұл қызметте әр түрлі тілдегі 10-ға жуық қысқарған сөз бар.  

Тағы оқыңыз:

Қайтыс болғаннан кейін босанған әйелдің сүйек қалдықтары табылды

Үнемі қарны ашып жүретін қыз ең сұлу ару атанды

Жас жігіт әскерге бармау үшін 30 келі салмақ қосқан

Ұшақта қорыққанынан ән айтқан жолаушы әйел желіде «жұлдызға» айналды (видео)