“Іс қалалық прокуратураға 3 тамызда жіберілді. Заң бойынша екі апта қаралып, сосын сотқа немесе қосымша тергеуге жіберіледі”, – деді айыпталушы Нұрбек Әжімбайдың адвокаты Серік Сәрсенов.

Ал өлтіру ісіне күдікті делінген Н. Әжімбай, А. Тихоненко, В. Шерстенов 10 тамызға дейін қамауда болады. Бұған дейін күдікті ретінде ұсталған Аян Мейірбаев қамаудан босатылған болатын. Мейірбаевты қамауға алу мерзімін созуға байланысты сотқа дейінгі тексеру органдарынан өтініш түспеген.

“Менің қорғауымдағы азаматқа байланысты 28 маусым күні жаңа қаулы шықты. Бірінші және жаңа қаулының негізінде мен іс бойынша барлық мойындауларды жоққа шығаруға және мен қорғаған айыпталушыға қатысты қылмыстық зерттеуді тоқтатуға өтініш бердім. Нұрбек бұл уақыттың ішінде өзінің конституциялық құқығымен қорғала алмай отыр”, – деді Сәрсенов.

Естеріңізге салайық, 23 жастағы Ерасыл Әубәкіровтың өлі денесі ақпан айында қала сыртынан табылған еді. Оны қаскөйлер азаптап өлтіріп, қол-аяғын байлап, басына пакет кигізіп қарға көміп тастаған. Көп ұзамай студентті азаптау сәті түсірілген таспа да пайда болды. Онда осыАян Мейірбаевтың марқұмды байлап қойып, ұрып жатқанын анық аңғаруға болады. Кісі өлтірді деген күдікпен төрт адам ұсталды. Ерасыл Әубәкіров елордадағы медициналық университеттің алтыншы курсының студенті еді. Ол 3 ақпанда үйінен шығып кетіп, қайта оралмаған. Келесі күні оның жоғалғаны жайлы хабарды достары таратты.

Талқылау