Енді қазақстандықтар кешіккен әуе рейстері үшін өтемақы алады
Енді рейсті кешіктірген қазақстандық әуе компанияларына айыппұл салынады. Тиісті норма көлік сұрақтары бойынша заң жобасына енгізілетін өзгертулердің ішінде бар.
Енді рейс кешіккен жағдайда, әуе компаниясы әр сағат үшін билет құнының 3%-ын төлеуге міндеттеледі.
"Рейстері тұрақты түрде кешігетін әуе компаниялары бар. Енді бұл оларды тәртіпке келтіреді деп үміттенеміз. Азаматтар рейс кешіккен әр сағат үшін билет құнының 3% қайтара алады. Алайда жалпы сома билет құнынан аспауы керек", – деді депутат Альберт Рау.
Депутат Елнұр Бейсенбаевтың айтуынша, 2020 жылдың соңына қарай шамамен 51 мың рейстің 6 735-сі кешіккен. Яғни әрбір сегізінші ұшақ уақытында ұшпаған. 2021 жылы 68,7 рейстің 12,8-і кешікті. Депутаттар көлік мәселесін қарастыратын заңға енгізілген түзетулерді бірінші оқылымнан мақұлдады. Құжат еліміздегі көлік жүйесін жақсарту мақсатында жасалды.
Қазақстанда хиджабқа бола мектепті лицензиядан айыру дұрыс па: Заңгерлер не дейді?
Оқу-ағартуға қатысты ҚМДБ-ның өшірілген жазбасы
"Шөптің арасына көміп кеткен": Күйеуінен таяқ жеген әйелді құтқарып, қаза болған полицейдің жары оқиғаны айтып берді
Күдікті өз гаражында оны айуандықпен, азаптап өлтіріп, орап, үстіне шөпті үйіп тастаған