Елордада үндістандық жұмысшылар төбелес шығарды
Нұр-Сұлтан қаласында үндістандық жұмысшылар төбелес шығарды. Полиция оқиғадан кейін «Бұзақылық» бабы бойынша сотқа дейінгі тергеуді бастады, деп хабарлайды Stan.kz ақпарат агенттігі елордалық полиция департаментінің баспасөз қызметіне сілтеме жасап.
Оқиға 27 қазанда орын алған. Полцияға құрылыс жүргізіліп жатқан нысанның аумағындағы шетелдік жұмысшыларға арналған жатақханада Үндістан азаматтарының төбелес шығарғаны туралы қоңырау түскен.
«Полицейлер анықтағандай, спиртті ішімдік ішудің барысында Үндістаннан келген жұмысшылар арасында төбелес шыққан. Соның нәтижесінде үшеуі жарақаттаныпты», - дейді полициядағылар.
Оқиғаға қатысы бар 8 шетелдік жұмысшы ұсталып, Есіл ауданының полиция басқармасына жеткізілді.
Қылмыстық кодекстің «Бұзақылық» бабы бойынша сотқа дейінгі тергеу басталды.
"Мәйітін алып келуге 2 апта кетеді": Вьетнамға қызымен демалуға барған қазақстандық әйел көз жұмды
Турагенттіктің айтуынша, ертесі оған әйелдің қызы хабарласып, анасының көзін ашпай жатқанын айтқан
"Семіз екенімізді білеміз, айта берудің қажеті жоқ": Қазақстандықтар қоғамда толық адамдарға ашық қысым көрсетілетініне шағымданды
Алматылық: “Мә, қайда өсіп бара жатсың, дәу боп кеткенсің ғой” деу қаншалықты орынды?"