Бармен болып нәпақа тауып жүрген Әнуар Байзүров 6 қыркүйекте жұмысына кетіп, содан іс-түссіз жоқ болған. Жақындары құмар ойынға жақын емес, ешкіммен қақ-соғы жоқ, бұған дейін үйден кетіп көрген емес дейді. Соңғы рет оны адамдар Ұлы Дала мен Мәңгілік ел даңғылының қиылысында көріпті.

Одан кейін қала шетіндегі ойын-сауық орталығы жанындағы бейнебақылау камерасына түскен. Анасының сөзінше, оны біреулер қалтасындағы ақшасына қызығып, ұрып-соқты дейтіндей, сол күні ол өзімен бірге қомақты қаржы алмаған.

"6 қыркүйекте соңғы рет телефонмен хабар алыстық. Содан кейін байланыс мүлдем үзілді. Ағалары мен туыстары, еріктілер күнімен Әнуарды іздеуде. Достары болса, баламмен соңғы рет 1-2 жеті бұрын сөйлескендерін айтты", — дейді анасы Әмина Ибраева.

Әмина Ибраева ұлы қандай қиын жағдайға тап болмасын, хабар беруін сұрайды. Әнуар Байзүровті іздеп жүрген еріктілер елорданың жан-жағын барлап шығып, қаланың әр жеріне ол жайыл мәліметтер жабыстырған.

"Әзірге нәтиже, хабар жоқ. Кейде "мына жақта", "ана жақта" көрдік деген ақпарат түседі. Алайда, нақты емес. Бізге Әнуарды іздеуге көмек керек. Түрлі нысандардың ішін, қойма, қаңырап қалған үйлерді қарайтын", — дейді ерікті Седа Колаева.

Бұл жағдайдан полицейлер де хабарлар.

"Нұр-Сұлтан қаласы Полиция департаментіне азаматша келіп, оның бауыры, 1994 жылы туған азаматтың жоғалып кеткендігі туралы арыз келіп түсті. Қазіргі уақытта бұл факт бойынша полиция қызметкерлері еркітілермен қосылып, жұмыстар жүргізіліп жатыр", — дейді Нұр-Сұлтан қаласы полиция департаменті баспасөз қызметінің өкілі Эльмира Шәуленова.

Жігіттің туыс-туғандары кімде-кім суреттегі жанды көрсе, не өзге ақпаратты білетін болса, 8 705 550 84 25 немесе 8 771 905 76 27 нөміріне хабарласуын сұрайды.

Талқылау