Элизат Берікова жеке өміріне қатысты: Некемізге әлі нүкте қойылған жоқ
"Күйеуім көзіме шөп салды" деп жеке өміріндегі жағымсыз жайтты жалпақ жұртқа жария еткен әнші Элизат Берікова әлі нақты шешімге келмеген болып шықты. Бұл туралы өнер иесі НТК арнасының "Ревю" бағдарламасында айтты.
"Отбасы болғаннан кейін әртүрлі жағдай болады. Ондай бәрінің басында болады деп ойлаймын. Әзірге нақты шешімді айтуға дайын емеспін.
Нүкте қойылмаған, әлі үтір тұр. Бәрі болуы мүмкін", – деп түсіндірді Элизат.
Айта кетейік, Элизат Берікова тұрмысқа шығуына байланысты бірнеше жыл бұрын "КешYou" тобынан кеткен болатын. Ол 7 жыл бойы жұптасып жүрген Жәнібек есімді азаматпен отау құрды. Қатарынан екі ұлды дүниеге әкелді. Ал жуырда некесінің сәтсіз болғанын айтып, ажырасатынын хабарлаған еді.
Талқылау