Еліміздің ауқатты азаматтары қаржысын Ресейдің компанияларына құйып жатыр
Қазақстан қор биржасы келтірген мәліметке сенсек, қалталы қандастарымызды көбіне – «Ростелеком», «Газпром», «Аэрофлот» сынды алыптардың акциялары қатты қызықтырады екен, – деп хабарлайды ктк арнасы.
Нәтижесінде, Қазақстан қор биржасындағы сауда көлемі 49 триллион теңгеге дейін жетіпті. Бұрын-соңды болмаған мұндай ақша айналымын қаржыгерлер құнды қағаздарға деген қызығушылықпен түсіндіріп отыр. Биржадағылар бүгін ұлттық валютамыздың қазіргі халін де сөз етті. Бірде көтеріліп, бірде түскен теңге бұл күндері біраз тұрақтады дейді мамандар. Қазіргі сату бағасы -1 доллар 338 теңге. Дегенмен, соңғы кезде қырғыз сомы күшейіпті. Ақша айырбастау орындарында 1 сом 5 теңгеге дейін қымбаттап, әне-міне ресей рубльімен теңесуге шақ тұр. Бірақ мұны қаржыгерлер қалыпты деп қабылдап, тіпті, төл теңгемізді бір мысқылдап та алды.
«Қалай дегенмен де теңге соңғы екі айдың ішінде айтарлықтай тұрақтаған. Мұны мұнай бағасының көтерілуімен түсіндіреміз. Бірақ, әрі қарай да осылай болады болжап айту қиын. Өйткені, теңгенің бағамы сыртқы экономикалық факторларға тікелей байланысты», – дейді «Қазақстан қор биржасы» АҚ Басқарма төрағасы орынбасары Андрей Цалюк.
Талқылау
Үй алудың жаңа мүмкіндіктері: Алдағы уақытта қандай тұрғын үй бағдарламалары іске қосылады
Айта кетейік, қараша айында "Наурыз" және "Наурыз Жұмыскер" бағдарламалары бойынша өтініш қабылдау қайта басталады
"Жастар практикасы" арқылы жұмыс таптым": Қазақстандық колледж түлегі кілем фабрикасында еңбек жолын қалай бастағанын айтып берді
Бағдарламаға қатысушылардың басым бөлігі қыздар екен