Соңғы жаңалықтар
Соңғы жаңалықтар

Елімізде оннан көп SIM-карта сатып алғандар оны қолдану мақсатын көрсетуге міндеттеледі

Цифрлық даму, инновациялар және аэроғарыш өнеркәсібі министрі Жаслан Мәдиев елде бір азаматқа сатып алуға болатын SIM-карта саны реттелетінін айтты. Бұл туралы Stan.kz ақпарат агенттігі хабарлайды. 

сим карта сток

Фото: pixabay.com

Жаслан Мәдиев аталған бастама мәжілісте талқыланып жатқанын айтады. 

“Бұл тікелей шектеу емес. Егер азамат көп SIM-карта сатып алса, жүйеде оны қолдану мақсатын көрсетеді. Кейбір компаниялар бір қолға 50-100 шақты SIM-карта беретінін білеміз. Нақты осы мәселемен күресуге біздің ұсыныстар дайын”, – деді ол.

Министрдің сөзінше, азамат SIM-картаны қолдану мақсатын көрсетсе, оннан аса SIM-карта сатып алуына рұқсат беріледі. 

“Мысалы, SIM-карта көлікте қолдану үшін алынса, трафик арқылы қандай мақсатта қолданылғанын анықтауға болады. Ал көрсетілген мақсатпен қолданбаса, бұған да жауапкершілік енгізуді талқылаймыз”, – деп қосты министр.

Еске салайық, Қазақстанда SIM-карта сатып алудың жаңа ережесі енгізілетіні туралы хабарлаған едік. 

"Жаңа SIM карталарды сатып алу кезінде биометриялық тіркеу, сондай-ақ SIM карталарды үшінші тұлғаларға заңсыз беру бойынша жауапкершілік енгізіледі. "Стоп-кредит" қызметі іске қосылды және оны халық белсенді түрде пайдаланып жатыр", — деп атап өтті министр үкімет отырысында. 

Талқылау