"Еден қисық төселген, мүгедектер арбасымен жүруге жағдай жасалмаған": Қостанай әкімдігі ерекше қажеттігі бар адамға сапасы нашар пәтер берген

Фото: Pixabay.com

Ерекше қажеттігі бар ер адам әкімдіктің берген пәтері өмір сүруге жарамсыз екенін айтып, шағымданды. Бұл туралы Stan.kzақпарат агенттігі Наша газета басылымына сілтеме жасап хабарлайды. 

"ДЦП" диагнозымен бірінші топтағы мүгедек, 34 жастағы тобылдық Андрей Лоба осы баспананы алу үшін 14 жыл күткен. Бірақ пәтердің сапасы көңіл көншітпейді дейді. Жөндеу жүргізілмеген және мүгедектігі барларға икемделмеген.

Лоба отбасына 19 наурызда бірінші қабатынан бір бөлмелі пәтер берілді. Ол анасымен бірге тұрады, оның айтуынша, пәтерде бастапқыда ешқандай проблема байқалмаған.

Алайда ақаулар кейінірек пайда бола бастады. Қабырғалардағы сызаттар, линолеумдағы тесіктер, қисық төселген еден, тұрақсыз тақтайшаларды байқады. Раковинаның астынан жағымсыз иіс шығып, су ағып кетеді. Пәтерде газ әлі қосылмаған, тұрғындар электр плитасын пайдаланады.

Сонымен қатар мүгедектер арбасымен жүру ыңғайсыз дейді. Себебі биік табалдырықтың кесірінен балконға мүмкін емес. Алдыңғы есік электр панеліне соғылады, ал жуынатын бөлме тұтқалармен жабдықталмаған. Ванна дірілдеп тұр, дәретхана бекітілмеген, есептегіштер қиын жерде орналасқан.

"Маған жерде ұйықтауға болмайды, енді үрлемелі матрасқа жатуға мәжбүрмін. Бізге кереует керек, жылы еден керек. Жөндеу жұмыстарын жүргізе алмаймыз", – деді Андрей.

Ер адамның жәрдемақысы 102 мың теңге, анасы зейнеткер, арасында тазалықшы болып жұмыс істейді. Олардың үйге жөндеу жүргізуге ақшалары жоқ. Андрей әкімдік пен ТКШ бөліміне хабарласып, не жөндеуге 20 миллион теңге бөлуді, не болмаса материал сатып алуды ұсынды. Әр тиынның есебін беруге де дайын болды. Алайда оның айтуынша, жергілікті билік тарапынан ешқандай жауап жоқ.

Андрей тұрғын үй кезегіне сонау 2011 жылы қосылғанын, нақты ілгерілеу тек президентке хат жазғаннан кейін болғанын айтады. Үндеуінен кейін алты ай өткенде оған әкімдіктен телефон соғып, пәтер ұсынылды.

"Мен заң бұзған жоқпын. Мен тек өз құқығымды алуға тырыстым. Мен де басқалар сияқты адаммын. Мен өмір сүргім келеді, отбасын құрғым келеді", –  дейді ол.