"Дүкен де, банкомат та қабылдамайды": Қазақстандықтар жаңа купюраға шағымданды
Threads-тен скриншот
Қазақстандық әйел банкоматтың Жеңіс күніне арналған 1000 теңгелік ескерткіш банкнотын қабылдамағанына шағымданды.
Threads желісінде қазақстандық әйел шотына қаражат салу кезінде ыңғайсыздыққа тап болды. Сөзінше, бұл ақшаны алғашында дүкенде алмай қойған, содан кейін банкомат та қабылдамады.
"Бұл банкноттың қай жері дұрыс емес? Дүкен қабылдамады, банкомат қабылдамады. Расында шынайы ақша ма? Егер жаңа банкнот жасасаңыз, барлығына хабарлап, банкоматтарды соған келтіру керек қой", – деп шағымданды автор.
Жасанды интеллект ескі купюралардағы Қазақстан қайраткерлерінің бейнесіне жан бітірді
Көптеген желі қолданушылары ұқсас қиындықтарға тап болғанын хабарлады. Коллекционерлер ескерткіш банкнотты бұрынғы купюраға айырбастауды ұсынды.
"Сіз қай қаладасыз? Мен оны кәдімгі банкнотқа айырбастай аламын. Күйеуім естелік ретінде барлық банкнотты жинайды", "Менде де дәл сондай жағдай болды. Мен одан қандай да бір жолмен құтылдым", "Банкомат менің жаңа 20 000 теңгелік купюрамды қабылдамады", – деп жазды желідегілер.
Ұлттық банктің баспасөз қызметі техникалық олқылық болатынын мойындады.
"Бұл банктер мен төлем мекемелері жаңа купюраларды қабылдау үшін жабдықтарын бейімдеуге бірнеше апта, тіпті бірнеше айға дейін созылуы мүмкін. Бұл банкоматтағы бағдарламалық жасақтама әлі ескерткіш купюраны қабылдау үшін жаңартылмаған болуы мүмкін", –деп атап өтті ұлттық банк.
2025 жылдың 9 мамырында Ұлы Отан соғысындағы Жеңіс күнін атап өту үшін шығарылған ескерткіш 1000 теңгелік купюра шығарылды. Тиражы – 5 миллион дана.
Ата-анамызды асырауға біз міндеттіміз бе?: Бұл сұрақ қазақстандықтардың пікірін екіге бөлді
