13 жыл бұрын ер адамды соққыға жыққан қазақстандық Дубайдан экстрадицияланды
Фото: Бас прокуратура
Дубайдан 13 жыл бұрын басқа ер адамға дене жарақатын келтірген қазақстандық экстрадицияланды. Бұл туралы Stan.kz ақпарат агенттігі хабарлайды.
ҚР Бас прокуратурасының мәліметінше, ол бұған дейін іздеуде болған. Ол 2012 жылдың 25 наурызында Теміртау қаласында бұзақылық ниетпен жәбірленушіге себепсіз бірнеше рет дене жарақатын салып, екі жерінен жақ сүйегін сындырды деген күдікке ілінді. Қылмыс жасағаннан кейін күдікті қашып кетіп, 12 жылдан кейін Біріккен Араб Әмірліктерінің аумағында анықталды.
-
Қазақстаннан экстрадицияланған қарақалпақ белсендісі екі жарым жылға сотталды
-
Индонезияда өлім жазасына кесілуі мүмкін қазақстандықтар туралы не белгілі
“Бас прокуратура мен Ішкі істер министрлігінің қызметкерлері Біріккен Араб Әмірліктеріндегі Қазақстан елшілігінің көмегімен Дубай қаласынан бұзақылық ниетпен жәбірленушінің денсаулығына орташа ауырлықтағы зиян келтіргені үшін күдіктіні қайтарды. Қазір күдікті қылмыстық жауаптылыққа тарту үшін Қазақстан полициясына тапсырылды”, – делінген хабарламада.
"Шетелде билетсіз, қонақүйсіз далада қалдым": Қазақстандықтар авторлық тур сатып аламыз деп 2 млн теңгеге дейін қаражаттарынан қағылған
