Допинг бойынша айыпталған Жасұлан Қыдырбаев спорттан 8 жылға шеттетілді
Халықаралық ауыр атлетика федерациясы (IWF) қазақстандық зілтеміршілер – Жасұлан Қыдырбаев, Алмас Өтешев пен Ермек Өміртайды допингке байланысты спорттан шеттетті.
2015 жылы желтоқсан айының соңында IWF Хьюстонда өткен сол жылғы әлем біріншілігі кезінде тапсырған допинг-сынамаларынан тыйым салынған препараттар табылғаны үшін қазақстандық спортшыларды уақытша спорттан шеттеткен болатын.
Енді халықаралық ұйым Алмас Өтешев пен Ермек Өміртайды 4 жылға, ал тыйым салынған препаратты қайталап қолданғаны үшін Жасұлан Қыдырбаевты 8 жылға спорттан шеттетті. Одан бөлек, Өтешев пен Қыдырбаев Хьюстонда өткен әлем чемпионатында алған медальдарынан айырылды. Естеріңізде болса, байрақты бәсекеде Алмас күміс, Жасұлан қола медаль еншілеген еді.
Жіберіп алмаңыз:
Қазақстандық төрт атлетші Рио-дан шеттетілді
Риодағы антидопингтік зертхананың қателескені белгілі болды
12 елордалық спортшы Рио-де-Жанейро Олимпиадасына жолдама алды
Мұхамедиұлы допинг дауында есімі аталған спортшылардың сыйлығына қатысты жауап берді