"Дикий" Арманның тұңғышы дүниеге келді
Халық арасында "Дикий Арман" атанып кеткен Арман Жұмағалиевтің тұңғышы дүниеге келді, деп хабарлайды Stan.kz ақпарат агенттігі.
"Әлхамдулиллях, Алланың қалауымен алғаш рет әке атандым. Мәриям-Медина есімді қызым дүниеге келді. Жылы тілектеріңіз үшін баршаңызға алғыс білдіргім келеді.
Ол Қазақ еліне лайықты қыз болады деп үміттенемін. Қазақ елім аман болсын. Аллахым елімізге күш-қуат, берекет, тыныштық берсін, амин", - деп сүйінші хабарды жеткізді Арман.
Қоғам белсендісін алғашқылардың бірі болып Айнұр Тұрсынбаева құттықтады.
Қылмыс серкесінен "халық қаһарманы" атағына дейін: "Дикий Арман" деген кім?
"Шымкентке жиналып жанталасып жатсам, сүйінші хабар келді.
Ал Ареке тұңғышыңның бауы берік болсын. Мәриям қызымыз Хадишадай ардақты, Асиядай ардақты, Айшадай ақылды болып өссін!
Қуаныштан толқып тұрмын. Қызыңыз майкөтен болып келіп, артынан өзіңіз сияқты батыр ұлдар ерсін", – деп жазба жариялады ол жеке парақшасында.