Stan.kz сайтын Telegram арқылы оқыңыз. Арнамызға жазылыңыз.
Депутат: Қазақстандық кәсіпкерлер көпбалалы отбасыларға үй алып беруі керек
Еліміздегі қалталы азаматтар көпбалалы аналарға баспана алып берсін. Бүгін сенат депутаттары осылай деп, қазақстандық кәсіпкерлерді баспанасыз жүрген көпбалалы отбасыларға жәрдемдесуге шақырды, деп хабарлайды КТК арнасына сілтеме жасап Stan.kz.
«Әсіресе, мол пайда тауып отырған құрылыс компаниялары көмектесуі керек. Яғни, олар өздері салып жатқан тұрғын үйден көпбалалы аналарға пәтер берсін. Мемлекетіміздің әр аймағында осы шаруаны қолға алуымыз қажет», – дейді сенат депутаты Бірғаным Әйтімова.
Дей тұрғанмен отандық кәсіпкерлер депуттардың бұл ұсынысын қолдай ма, жоқ па, ол жағы белгісіз. Көпбалалы отбасыларға баспана беретін мемлекеттік бағдарлама әзірленеді деген үкіметтің өзі үй салуға қажетті қаржыны әлі таба алмай отыр.
Бүгінде елімізде «Нұрлы жер» бағдарламасы аясында көпбалалы жанұяларға арналған тұрғын үй тұрғызу қарастырылып жатыр. Осы мәселеге қатысты нақты шешім екі аптадан кейін қабылданады.
Танымал продюсер еңбек өтілін дәлелдей алмағандықтан зейнетке шыға алмай жүр
Оның айтуынша, азаматтарды бір мекемеден екіншісіне жіберіп, дөрекі сөйлейтін жағдайлар жиі кездескен
"3 ай бұрын шай төктің, ақысын төле деді": Ақтауда бойжеткенді кафеде ұрып-соғып, сүйреп шығарып жіберген (видео)
Жансая: "Диванды жудырған ақы 14 мың теңгені төле, деп телефонымды тартып алды"