Бақытжан Базарбек бүгіннен бастап Қазақстанда коммуналдық қызметтер мен жанар-жағармай тарифтеріне қатысты мораторийдің күші жойылғанын айтты. Депутат тариф бағасының күрт өсіп кетпейді деп үміттенеттінін және мораторий алынғаннан кейін уәкілетті орган әрекет жоспарын ұсынады деп сенетінін жеткізді.

“Тарифтер бұрынмен салыстырғанда өте қатты көтерілген, халықтың, адамдардың қалтасы көтермейді. Тарифтер өте жоғары, ал табыс деңгейі оған жетпейді. Сондықтан біз қарапайым азаматтардың жағдайын ескеруіміз керек – халық оны көтере ала ма? Менің ойымша, үкімет те дәл осы санат бойынша ойлайды”, – деді депутат.

Базарбек мораторийді созуды қажет екенін атап өтті. Оның айтуынша, жақын арада тарифтерді көтеру туралы мәселе мүлде көтерілмеу керек.

Бұған дейін 1 cәуірден бастап мораторий күшін жойғанын жазған едік.

Еске салайық, бұған дейін Қазақстанда коммуналдық қызмет тарифтерін көтеруге мораторий 2026 жылдың бірінші тоқсанының соңына дейін енгізілген еді. Ол кезеңде тарифтер уақытша тоқтатылып, монополистердің инвестициялық міндеттемелері тексерілді. Саладағы инфрақұрылымның тозуы 50%-дан асқандықтан, тарифтерді қайта қарау қажеттілігі туындап отыр. Мораторий аяқталғанымен, өтінімдерді қарау мерзіміне байланысты тарифтер ең ерте маусым айында өзгеруі мүмкін.

Саясат

Айым Болатқызы

Сәрсенбі, 01 Сәуір, 2026 11:58

Біздің таңдауымыз

"Тарифтер өсіп, мобильді аударымдарға бақылау күшейеді": 1 сәуірден бастап Қазақстанда не өзгереді

Сәуір айында болатын өзгерістерге шолу жасадық

Полиция бастығының қызы Олжас Сүлейменовтің немересін қалай қағып өлтірді: Қазақстандағы тағы бір атышулы жол апатын еске түсірейік

Үйленуді жоспарлап жүрген Ескендір Сүлейменов 26 жасында өмірден өтті