Астана университеттері ҰҚШҰ саммиті кезінде онлайн оқиды
2024 жылы 26 қарашада Ғылым және жоғары білім министрлігі Астанадағы кейбір жоғары оқу орындарында білім беру форматының өзгеретінін мәлімдеді. Оған себеп – Ұжымдық қауіпсіздік шарты ұйымының саммиті. Бұл туралы Stan.kz ақпарат агенттігі хабарлайды.
Ақпаратқа сәйкес, елордадағы жоғары оқу орындарында 27-28 қарашада оқыту форматы келесідей болады:
- 4 университет қашықтан оқыту форматына көшеді;
- 2 университет ішінара қашықтықтан жұмыс істейді;
- 2 университет демалысқа шығады (1-ші триместр);
- 5 университет офлайн режимінде білім беруді жалғастырады.
"Шешімдерді университеттер өздерінің академиялық саясаттарына сәйкес дербес қабылдайды", – деді Ғылым және жоғары білім министрлігінің Қоғаммен байланыс департаментінің директоры Олжас Беркінбаев.
Айта кетейік, бұған дейін Мемлекеттік күзет қызметі Астанада көлік қозғалысына уақытша шектеу қойылатынын айтқан еді.
"Бәрі арнайы тапсырыспен жасалған": 62 миллион теңге боспасалады делінген блогерлер жарыссөзде өз нұсқасын айтты
Айыптаудың негізгі эпизоды былтыр 20 қаңтардағы кездесуден басталған
"233 миллиард теңгенің ұмытылмаған сабағы": Қазақстанға 2029 жылғы Азия ойындарын өткізудің пайдасы бар ма?
Ақырыс Сейтқазы қысқы Азия ойындарын Қазақстанда өткізу экономикалық тұрғыдан тиімсіз екенін айтты