Декреттегі аналарға 42500 теңгелік жәрдемақыға өтініш білдіруге рұқсат берілді
Баласы бір жасқа толған декреттегі аналар бірыңғай жиынтық төлемін төлеп 42500 теңгелік жәрдемақыға іліне алады. Бұл туралы еңбек және әлеуметтік қорғау министрі Біржан Нұрымбетов мәлімдеді, деп хабарлайды Stan.kz ақпарат агенттігі.
"Декретте отырған әйелдерге мемлекет тарапынан жәрдемақы баласы бір жасқа толғанға дейін беріледі. Баласы бір жасқа толғаннан кейін олар жұмысқа шыға алатын еді, бірақ қазіргі еліміздегі жағдайды ескерсек, бұл мүмкін болмай тұр. Сондықтан декретте отырған аналар егер демалыста жатқанына бір жыл болса, бірыңғай жиынтық төлемін төлеп, 42500 теңгеге өтініш бере алады", - деді Нұрымбетов.
Осыдан бес күн бұрын министрдің өзі декретте отырған әйелдер 42500 теңгеге үміттенбей-ақ қойсын деп кесіп айтқан болатын. Десек те көп ойлана келе үкімет өз шешімінен бас тартқан сыңайлы.
"Халқының жалақысы 3 миллион теңге, күйзеліс дегенді білмейді": 3 айлық сәбиімен Англияға оқуға кеткен қазақстандық адам миын зерттеп жүр
Ұлпан: "Жалақысы аз, жүктемесі ауыр, Қазақстандағы дәрігерлерге жаным ашыды”
"Тарифтер өсіп, мобильді аударымдарға бақылау күшейеді": 1 сәуірден бастап Қазақстанда не өзгереді
Сәуір айында болатын өзгерістерге шолу жасадық