"Дайын болыңыз, күтпеген тосынсыйлар келеді" – Мамыр айына арналған жұлдыз жорамал

Фото: pixabay.com

Мамыр айы барша қазақстандықтар үшін жарқын әрі керемет сәттерге толы болмақ. Қазақстандық астролог Сабина Сабденованың айтуынша, ең бастысы бұл айда адамдар тәуекел етіп, жаңа мүмкіндіктерден қорықпауы керек. Ал неден сақтанып, қандай тосынсыйларға дайын болу керегін маман ашып айтып берді. Stan.kz ақпарат агенттігі мамыр айына арналған жұлдыз жорамалды назарларыңызға ұсынады.

Тоқты

Тоқтылар үшін бұл ай энергия мен қозғалысқа толы болады. Сізді ай бойы белсенді бастамалар күтеді. Жаңа курсқа жазылу, саяхатқа шығу немесе спорттық жаттығуларды бастайтын уақыт келді. Мамыр айының ортасында сіздің жоспарларыңызды жақсы жағына өзгертетін күтпеген кездесу болуы мүмкін. Әртүрлі адамдармен кең қарым-қатынас жасай отырып, интеллектуалды белсенділігіңізді арттырып, жаңа тәжірибе жинайсыз. 

Торпақ

Мамырда торпақтар жайлылық пен тұрақтылықты сезінеді. Бұл айда олар өзін жылулық пен қамқорлықпен қоршап, тамаша уақыт өткізеді. Әсіресе үйдегі заттардың орнын ауыстыру, жаңа перделер сатып алу немесе отбасылық кешкі ас жасау көңіл-күйді көтереді. Сонымен қатар қаржылық жағдайыңыз қуанта түседі. Шағын бірақ жағымды бонустар аласыз. Мамыр торпақтар үшін жан-жақтылығы байқалатын ай болмақ. 

Егіздер

Егіздерде бұл айда қарым-қатынас пен жаңа таныстықтар болады! Қызық әңгімелер мен оқиғалар күтеді. Көптен көріспей кеткен досыңыз кенеттен сізді ерекше көрісулерге шақырса, таңғалмаңыз. Ал оқуда жұлдыздар мұқият болуға кеңес береді. Біліп тұрған дүниелеріңізді шатастырып алу қаупі жоғары. Бастысы егіздерді көптеген жағымды әсер сыйлайтын жаңалықтар күтеді. 

Шаян

Мамыр шаяндарда армандар мен эмоцияларға толы ай болады. Бұл ай сізге көп шабыт береді. Сурет салыңыз, жазыңыз, фотоға түсіріңіз! Айдың ортасында өзіңізді көптен бері мазалаған нәрсе туралы маңызды шешім қабылдануы мүмкін. Ал отбасы сіздің басты қолдауыңыз болады. Бұл айда маңызды мәселелерді ой елегінен өткізуге уақытыңыз жетеді. 

Арыстан

Арыстандарды бұл айда керемет оқиғалар күтеді. Барлық назардың сізге ауатынына дайын жүріңіз! Сіздің тырысып жүргеніңіздің жемісін көруіңіз мүмкін. Күтпеген жерден түрлі мақтау сөздер естисіз. Ал ай соңында көптен бері армандап жүрген қалауыңызды орындауға мүмкіндік туады. Бастысы өзіңізді көрсетуге ұялмаңыз!

Бикеш

Бикештерде бұл ай тәртіп және жаңа білім алатын кезең болады. Мамыр – үйіліп қалған жұмыстарды (бизнесте, ойда жүрген) шешетін тамаша уақыт. Сонымен қатар батпай жүрген идеяларыңыз іске асырылып қалуы мүмкін. Дегенмен жаңа нәрсені де байқап көріңіз: аспаздық немесе тіл үйрену курсына баруыңызға болады. Денсаулығыңыз назар аударуды қажет етеді. Көбірек демалыңыз!

Таразы

Таразыларда үйлесімділік пен махаббат айы. Мамыр сізге жағымды кездесулер мен романтикалық сәттерді сыйлайды. Егер бірдеңе туралы көптен бері ойлап жүрсеңіз, әрекет етудің уақыты келді! Ісіңіз өрге жүзеді. Бұл айда достар маңызды рөл атқарады. Олардың кеңестерін тыңдаңыз. 

Сарышаян

Сарышаяндарда бұл ай құпиялар мен өзгерістерге толы болады. Мамыр сізге бірнеше тосынсыйлар дайындады! Дайын болыңыз! Осы тұста өзінің жақсы қырын көрсетуге көп мүмкіндіктер болады. Маңызды нәрсені үйреніп, батыл қадамға бел бууыңыз мүмкін. Ал табыс жағынан күтпеген ақша түсуі ғажап емес. Дегенмен қаражатты ақылмен жұмсауыңыз керек.

Мерген

Мергендерді бұл айда шытырман оқиғалар мен еркіндік күтеді! Алысқа, еркіндікке ұмтылып тұрасыз! Тіпті жай ғана табиғатқа саяхаттасаңыз да, өзіңізді жақсы сезініп қаласыз. Жаңа таныстықтардың соңы берік достыққа айналуы мүмкін. Айдың соңында – бұрыннан келе жатқан идеяны жүзеге асыруға мүмкіндік туады. Бастысы – кешіктірмеңіз!

Тауешкі

Тауешкілер үшін бұл ай еңбек пен мадаққа толы болады. Ай көбірек күш салуды талап етеді. Бірақ нәтижесі соған тұрарлық! Қажет болса, көмек сұраудан қорықпаңыз. Отбасыңыз жағымды жаңалықтармен қуантады. Тіпті кішкентай мереке болуы мүмкін. Бастысы бар жылу мен назарды отбасыға бөлген дұрыс. 

Суқұйғыштар

Суқұйғыштар мамырда шығармашылық пен өзгеше шешімдер жасайды. Бұл ай шығармашылық пен ерекше жобалар үшін өте қолайлы. Қызық адамдар мен таныстардан түрлі жерлерге шақырту аласыз. Өміріңізде махаббат пен романтикалық тосынсый болуы мүмкін! Бұл айда суқұйғыштар айналасына ерекше ашыла түседі.

Балықтар

Мамырда армандар мен түйсігіңіз сізді далада қалдырмайды. Ішкі дауысыңызға сеніңіз. Ол сәттілікке жеткізеді! Мамыр сізге шабыт береді және жақын адамдарыңыздан күтпеген қолдау көресіз. Айдың соңында мүлдем жаңа нәрсені бастауға мүмкіндік туады. Балықтардың бұл айда табысы арта түседі. Туысқандарыңыздан немесе жекелей басқа жұмыстардан қосымша қаражат түсуі мүмкін. Қаржыңыз көбейгендіктен өзіңізге жақсы сыйлық жасауыңызға да болады.