Дәулет Тұрлыханов Азия күрес одағының президенті қызметінен кетті
Дәулет Тұрлыханов Иорданиядағы сайлау қорытындысы бойынша Азия күрес одағының президенті қызметінен кетті. Бұл туралы Stan.kz ақпарат агенттігі хабарлайды.
Фото: Дәулет Тұрлыхановтың Instagram желісінен
Дауыс беру қорытындысы бойынша, иорданиялық Мұхаммед Әл-Авамала үлкен басымдықпен жеңіске жетті. Ол 38 дауыстың ішінен 34-ін жинады.
Осылайша, соңғы жылдары Одақтың президенті қызметін атқарған қазақстандық Дәулет Тұрлыхановтың басшылығы аяқталды. Әл-Авамала ұйымды 2028 жылға дейін басқарады.
Дәулет Тұрлыханов – 1989 жылғы әлем чемпионы және 1993 жылғы әлем вице-чемпионы, Еуропа (1988) және Азия (1995) чемпионы, Олимпиада ойындарының күміс (1988) және қола (1992) жүлдегері, КСРО-ның сегіз дүркін чемпионы.
Талқылау