Дариға Назарбаева Дубай әуежайында көзге түсті
Дубай әуежайында Дариға Назарбаеваға ұқсас әйел көзге түсті. Әуежайда түсірілген суретті журналист Сырым Итқұлов өзінің Telegram арнасында жариялады. Бұл туралы Stan.kz ақпарат агенттігі хабарлайды.
Фото: t.me/syrymitkulov
Журналистің айтуынша, экс-президенттің қызы Дариға Назарбаева немерелерімен бірге Дубайдан Астанаға ұшқан. Суреттен елге оралу үшін олардың Air Astana-ның бизнес-класын таңдағанын байқауға болады.
“Оқырманның бірі немерелерімен Дубай әуежайынан Астанаға бағыт алған Дариға Назарбаеваны суретке түсіріп алыпты. Енді сен бизнес-джеттегі опера әншісі емессің деген сурет”, – деп жазба жариялады журналист.
Жазба 1 сәуір күні жарияланған. Желі қолданушылары суретті күлкі күнімен байланыстырып, фотошоп болуы мүмкін деген болжам жасады. Ал енді бірі Дариға Назарбаева халықпен бірге екенін осылай көрсеткісі келді деген пікірде.
Бұған дейін Дариға Назарбаева мен бірнеше кәсіпкердің "Астана Опера" театрының қамқоршылық кеңесінен шығарылғаны туралы жазған едік.