"Damubala 2025" бағдарламасының ережесіне өзгерістер енгізілді
Алматы әкімдігі жылына шамамен 17 миллиард теңге жұмсалатын бағдарламаның жаңа ережелерін ұсынды. Бұл туралы Stan.kz ақпарат агенттігі хабарлайды.
Фото: Ru.freepik.com
Мәлімдемеге сәйкес, енді DamuBala 2025 бағдарламасы жеткізушілердің жауапкершілігін арттыруға және ваучерлерді ашық бөлуге ерекше көңіл бөлмек. Сондай-ақ жеткізушілермен келісімшарт жыл сайын қайта жасалады.
2025 жылдың 15-21 қаңтары аралығында спорт және шығармашылық саласындағы қызметтерді жеткізушілерді қабылдау өтті. Ал 22 қаңтар-4 ақпан аралығында жаңа және бұрынғы өтінімдер қаралды.
“Мониторинг нәтижесінде міндетіне салғырт қараған орындаушылар тізімнен алынып, олардың деректері құқық қорғау органдарына жіберілді. 1-21 қаңтар аралығында қызмет көрсеткен барлық жеткізуші міндетті түрде төлем алады”, – деп мәлімдеді әкімдік.
Ваучерлер жыл соңына дейін баланың заңды өкілі мен жеткізуші арасында келісімшарт жасалғаннан кейін беріледі. Жеткізушілермен келісімшарт жасаудың маңызды шарты – балалардың 100% FaceID жүйесіне қосылуы.
Бұған дейін Досаев балалармен сотталған бапкерлер жұмыс істеді делінген Аrtsport бағдарламасына түсініктеме берген еді.
"Мәһрге наубайхана ашып беруді сұрадым": Египеттік жігітке тұрмысқа шыққан қазақ қызының тойы желіде қызу талқыға түсті
