Cирек кездесетін ауруға ұшыраған: Әйел "ерте қартайған" сәбиді дүниеге алып келді

Оңтүстік Африкада 20 жастағы әйел "Бенджамин Баттон синдромымен" ауыратын қыз босанды. Бұл ауру кезінде прогерия болып дене ерте қартаяды, деп хабарлайды Stan.kz ақпарат агенттігі The Sun басылымына сілтеп.

Сәби дүниеге тамыз айының аяғында келген. Қыздың қолы деформацияланған және терісіне әжімдер түскен. Дәрігерлер оған ерте қартаюдың клиникалық ерекшеліктері бар балалардың өте сирек кездесетін генетикалық ауруы Хатчинсон-Гилфорд синдромы диагнозын қойды. Ол фильмдегі кейіпкердің атымен "Бенджамин Баттон синдромы" деп те аталады. Әлемде сегіз миллион нәрестенің біреуі осы аурумен туылады.

Жас ана ауруханаға босанғаннан кейін ғана жеткізілді. 

"Маған ол жерде сәбидің мүгедек екенін айтты. Туылған кезде балада барлығы жақсы емес екенін байқадым. Ол жыламады және қиналып дем алып жатты", – дейді жаңа туылған нәрестенің әжесі.

Басылым аталған диагнозы бар балалар көбінесе 14 жасында атеросклероздан қайтыс болатынын жазады. Қазір әлемде осы диагнозбен ауыратын 132 бала бар.