Цифрлық даму министрлігі "Зерде холдингін" тарату туралы шеміміне ресми түсінік берді
ҚР Цифрлық даму министрлігі неліктен "Зерде" ақпараттық-коммуникациялық холдингін тарату туралы шешім қабылдағанын түсіндірді, деп хабарлайды Stan.kz ақпарат агенттігі.
Қазіргі уақытта "Зерде" Холдингінің құрылымында үш еншілес ұйым бар: "Astana Hub" технопаркі "Ұлттық ақпараттық технологиялар" және "Qazinnovations" акционерлік қоғамдары. Бұл ретте еншілес ұйымдар өз қызметінің негізгі бағыттары бойынша тікелей Цифрлық даму министрлігімен және мемлекеттік органдармен өзара іс-қимыл жасайды. Корпоративтік басқару холдингтік компанияда шоғырланған, ал негізгі бағыты бойынша еншілес ұйымдарға жетекшілік етуді уәкілетті орган тікелей жүзеге асыратын мұндай құрылым қажетсіз болып көрінеді.
2016-2021 жылдар кезеңінде Холдингтің жинақталған шығыны 7 млрд теңгені құраған.
- Қазақстанда электронды құжаттар ресми түрде қағаз құжаттармен теңестірілді
- Қазақстан +997 телефон кодына 2025 жылы көшеді
Сонымен қатар алдағы трансформация корпоративтік басқарудың холдингтік құрылымын таратуға қатысты екенін және "Зерде" холдингінің өндірістік персоналына әсер етпейтінін ерекше атап өтілген.
"Бұл ретте "Цифрлық үкіметті қолдау орталығы" РМК-ға жұмысқа ауысқан "Зерде" холдингінің бұрынғы қызметкерлері тиесілі барлық төлемдерді толық көлемде алады.Бүгінгі таңда кадрлық әлеуетті сақтай отырып, мемлекеттік IT-секторын басқаруды реформалау негізгі басымдық болып табылады. Бұл министрліктің, "Зерде" холдингінің және еншілес ұйымдардың ортақ міндеті", - делінген министрліктің мәлімдемесінде.
Еске салайық, бұған дейін Цифрлық даму, инновациялар және аэроғарыш өнеркәсібі министрі Бағдат Мусин "Зерде" Ұлттық инфокоммуникация холдингін жабуды ұсынған.