Бұрынғы "Жасыбай" президент резиденциясы мемлекет меншігіне қайтарылды
Бұрын заң бұзушылықтар салдарынан жеке меншікке өткен "Жанбақы-Арнасы" элиталық резиденциясы мемлекет меншігіне қайтарылды. Бұл туралы Stan.kz ақпарат агенттігі хабарлайды.
Фото: Jasybai Resort
Павлодар облысы бойынша сыбайлас жемқорлыққа қарсы агенттігінің департаменті басшысының бірінші орынбасары мәлімдеді.
Мәліметтерге сенсек, мемлекеттік мүлікті жеке меншікке беру процесінде бұзушылықтар болған. Осылайша "Jasybai Resort" деп аталатын демалыс базасы заңсыз түрде жеке меншікке өтіп кеткен. Бұған байланысты уәкілетті орган сотқа арыз түсіріп, 2023 жылдың 7 маусымындағы сот шешімімен мемлекеттік мүлікті жекешелендіру операциясы жарамсыз деп танылды.
Сот шешімінің орындалуын қамтамасыз ету үшін және объектіні мемлекет меншігіне қайтару мақсатында департамент барлық қажетті құжаттарды дайындап, тиісті мемлекеттік органдармен жұмыс кездесулерін өткізді.
Сөйтіп 2025 жылдың 26 наурызында Павлодар облысы әкімдігінің қаулысымен бұрынғы резиденция қайтадан коммуналдық меншікке қабылданып, Баянауыл ауданы әкімдігіне берілді.
Айта кетейік, бұрын осы резиденцияның орнына Көкшетауда шахмат үйі құрылған еді.
Еске салайық, бұған дейін Ақтөбеде балалардың қажетіне берілген президент резиденциясы бүгінде бос тұрғанын жаздық. Ғимараттың ауданы тым кішкентай, 300 шаршы метр төңірегінде. Ойлана келе, ERG компаниясымен келісіп, қала орталығынан 3 қабатты ғимарат сатып алынды. Ғимарат білім басқармасының активіне берілді. Президент резиденциясының балалардың қажетіне берілетіні жайлы 2023 жылы айтылған еді. Нысан “ҚазХром” АҚ аумағында орналасқан. Бастапқыда әкімдік ғимаратқа тек 25 баланы орналастыру мүмкін екенін айтқан.