Бойжеткен бейнеролик түсіру кезінде абайсызда өз жігітін атып өлтірді
YouTube желісіне арнап бейнеролик түсіріп жатқан кезде, америкалық қыз байқаусызда жігітін атып өлтірді.
19 жастағы Моналиса мен 22 жастағы Педро Руиса YouTube желісіндегі көрермендерінің санын арттыру үшін видео түсірмек болады. Олар тапаншадан атылған оқтың қалың энциклопедияны тесіп өтпейтінін дәлелдегісі келген. Жергілікті шерифтің сөзіне сүйенсек, видеоны түсіру барысында Педро кітапты қарсы алдында ұстап тұрады, ал қыз 50-калибрлі тапаншадан оқ атады. Сол кезде оқ кітапты тесіп өтіп, ер адамның кеудесіне тиген.
Қыз бірден 911 нөміріне хабар береді, алайда Педро алған жарақатынан сол сәтте қаза тауыпты. Абайсызда кісі өлтіргені үшін қыз 10 жылға түрмеге қамалып немесе 20 мың доллар төлеуі мүмкін. Жұптың YouTube желісіндегі арнасына қарағанда, Моналисаның үш жасар қызы бар екен әрі екінші баласына аяғы ауыр. Қыз Twitter парақшасында “ең қауіпті видео” түсіретіндерін алдын ала хабарлаған.
Тағы да оқыңыз:
ЭКСПО аумағындағы дәмхана атауы қате жазылып ұятсыз мағына беріп тұр (фото)
Қазақстан ЭКСПО көрмесіне мемлекет қаржысынан 565 миллиард теңге жұмсаған