Бокстан Өзбекстан құрамасы Астанада өтетін Әлем кубогына қатысудан бас тартты
Өзбекстанның бокс құрамасы Астанада өтетін World Boxing Әлем кубогының кезеңінде тек әйелдер командасымен өнер көрсетеді. Бұл туралы Stan.kz ақпарат агенттігі хабарлайды.
Бұған дейін Қазақстан құрамасының бас бапкері Қайрат Сәтжанов өзбек командасы жарысқа қатысудан бас тартқанын айтқан еді. "Бастапқыда олар турнирге қатысатынын мәлімдеген, бірақ бір-екі аптадан кейін жоспарларынан айнып қалды. Бұл шешім тактикалық ойлармен байланысты болуы мүмкін", – деді Сәтжанов.
Өзбекстандық БАҚ өкілдері бокстан өз елінің ерлер құрамасы Астанада өтетін жарысқа келмейтінін хабарлады. Көрші елдің ұлттық құрамасы тек әйелдер командасынан спортшылар алып келеді. Әзірге Өзбекстан құрамасының федерациясы ресми шешімді хабарлаған жоқ.
Айта кетейік, World Boxing Әлем кубогының кезеңі Қазақстан астанасында 30 маусым мен 7 шілде аралығында өтеді.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды
"4 миллион теңге күйіп кетті": Мерекеде қызғалдақ сатқан қазақстандық кәсіпкерлер биыл шығынға батқан
Кәсіпкер: "3000 гүл сатуымыз керек еді, бірақ тек 166 дана қызғалдақ саттық"