Бокстан Азия чемпионатында бақ сынайтын қыздар құрамасы анықталды
Бокстан 2024 жылғы Азия чемпионатына қатысатын Қазақстанның әйелдер құрамасының құрамы анықталды. Бұл туралы Stan.kz ақпарат агенттігі хабарлайды.
Фото: ҚБФ
Қазақстан әйелдер құрамасының бапкерлік кеңесі Таиландтың Чиангмай қаласында өтетін Азия чемпионатына қатысатын боксшылардың құрамын жасақтады. 29 қараша күні басталатын дүбірлі додаға ел чемпионатында үздік шыққан боксшылар аттанады. Назарларыңызға сарықұрлықтың басты додасында сынға түсетін спортшылардың тізімін ұсынамыз:
48 келі. Әйгерім Сәттібаева
50 келі. Алуа Балқыбекова
52 келі. Жазира Орақбаева
54 келі. Сымбат Әлиасқар
57 келі. Ұлжан Сәрсенбек
60 келі. Виктория Графеева
63 келі. Аида Әбікеева
66 келі. Милана Сафронова
70 келі. Наталья Богданова
75 келі. Диана Мағауияева
81 келі. Гүлсая Ержан
+81 келі. Елдана Талипова
Айта кетейік, Азия чемпионаты 30 қараша мен 11 желтоқсан аралығында Таиландта өтеді. Қазір әйелдер құрамасы Алматы облысында біріншілікке дайындығын пысықтап жатыр.
