Бокстан әлем чемпионаты: Махмұт Сабырхан жапониялық карсыласына есе жіберді
Бүгін 5 қараша күні Белград (Сербия) қаласында өтіп жатқан бокстан әлем чемпионатының финалдық кездесулері басталды. 54 дәрежеге дейінгі салмақта өнер көрсететін қазақстандық Махмұт Сабырхан жапониялық қарсыласына есе жіберіп, күміс медаль иеленді, деп хабарлайды Stan.kz ақпарат агенттігі.
20 жастағы Шымкент қаласының тумасы Махмұт алтынға болған таласта Жапониядан келген 25 жастағы Томою Цубойбен кездескен болатын.
Қазақстандықтардың өкінішіне орай қазақ боксшысы 3 раундқа созылған жекпе-жекте қарсыласына есе жіберіп, күміс медаль иеленді.
Айта кетейік, бұған дейін болған жекпе-жекте 48 салмақ дәрежесінде Теміртас Жүсіпов алтын алған болатын. Шешуші кездесуде ол тайландтық Вуттичай Юрачайдан басым түскен.
Естеріңізге салайық, 6 қарашада финалдық кездесулерде Сәкен Бибосынов (51 келіге дейінгі салмақта) пен Серік Теміржанов (57 келіге дейінгі салмақта) жұдырықтасатын болады.
Рейхстагқа ту тіккен Рахымжан Қошқарбаев па, әлде тарихи шындық бұрмаланды ма?
“Ақиқат бәрін жеңеді, бірақ 50 жыл кешігіп жүреді" дейді тарихшы Болат Сайлан
"Жалаң қылышпен танктерге қарсы соғысқан": Екінші дүниежүзілік соғыс кезінде жойылып кеткен 106-ншы атты әскери дивизия туралы не білеміз
Дивизия құрамына алынатын жауынгерлерге "оқып-жаза алуы керек және орыс тілін білуі керек" деген талап қойылды