"Біздің заманның батыры": Денсаулық сақтау министрлігі Астанадағы тұрғын үйдің қасбеті құлаған кезде жарақат алған фельдшер туралы пікір білдірді
Фото: Әділет Зейнелдің жеке архивінен
Денсаулық сақтау министрлігі Астанадағы тұрғын үйдің қасбеті құлаған кезде адамдарды құтқаруға тырысқан жедел жәрдем фельдшер туралы пікір білдірді. Ол қызметкерді "біздің заманның батыры" деп атады. Бұл туралы Stan.kz ақпарат агенттігі хабарлайды.
Вице-министр Тимур Мұратовтың айтуынша, нәзік қыз адамдардың көмекке мұқтаж екенін көріп, еш ойланбастан құтқаруға ұмтылған.
“Бұл – қазіргі медицина қызметкерлеріне тән қасиет. Ол қолдан келгеннің бәрін жасады және ең дұрыс шешім қабылдады деп есептеймін”, – деді Мұратов.
Қазір фельдшер ауыр бас сүйек жарақатынан кейін ем алып жатыр. Оның көз және мұрын сүйектері, сондай-ақ басының артқы бөлігі сынған. Екінші медициналық қызметкер де жарақат алып, нейрохирургия бөлімінде емделуде.
Еске салсақ, Астанада ғимараттың сыртқы қабырғасы құлап, адамдарды құтқаруға барған жедел жәрдем фельдшері ауыр жарақат алғаны туралы хабарлаған едік.
Алматы әкімдігі тұрғындардың наразылығын тудырған эстакадаға қатысты суретке түсініктеме берді
Тағы бірі Алматыдағы кейбір жол құрылыстары кептелісті жеңілдетуден гөрі арттырады деп алаңдайды
"Ақыл-ойы кемістігін пайдаланып алдаған": Жамбыл облысында зорланып, жүкті болып қалған оқушының анасы 6 айдан бері әділдікке қол жеткізе алмай жүр
Жәбірленушінің анасы бір ғана адамның күдікті ретінде танылғанына наразы