Бишімбаев ісі бойынша танылған прокурор жаңа қызметке тағайындалды
Экс-министр Қуандық Бишімбаевқа қатысты іс қозғалғаннан кейін қазақстандықтардың көзайымына айналған прокурор Айжан Аймағанова жаңа қызметке тағайындалды. Бұл туралы Stan.kz ақпарат агенттігі хабарлайды.
Фото: Видеодан скрин
Бас прокуратураның хабарлауынша, прокурор қазір Астана қаласы прокуратурасының Мемлекеттік айыптауды қолдау және апелляциялық сатыға қатысу басқармасының бастығы қызметін атқарып жатыр.
Еске салайық, Салтанат Нүкенованың өліміне қатысты сот процесіне Айжан Аймағанова мемлекеттік айыптаушы, Астана қаласы прокурорының аға көмекшісі ретінде қатысқан еді.
2024 жылдың 15 шілдесінде Айжан Аймағанова жаңа атақ – подполковник шенін ("Әділет кеңесшісі" сыныптық шені) алғаны белгілі болған еді. Мұны оның мұқият жанкүйерлері әлеуметтік желідегі суретінен байқаған.
Моңғолиядағы қазақ-моңғол дауы неден шықты: Тіл мәселесі неге көтерілді
"Қазақтар болашақта Баян-Өлгейді Қазақстанға қосып жібермек" деген сияқты негізсіз қауесетке ұласып кетті
"Байлықтың жарысы": Қазақстандықтар құдалыққа миллиондап ақша жұмсап, киіт кигізуге қарсы шықты
Айгүл Ғалымжанова: "Шығындарды есептегенде шамамен 15-16 миллион теңге шықты"