"Біреудің алдында ақталатындай жағдайым жоқ": Денсаулық сақтау министрі ұшақтағы видеосына қатысты пікір білдірді
Видеодан скриншот
Денсаулық сақтау министрі Ақмарал Әлназарова ұшақ бортында жолаушыға медициналық көмек көрсету оқиғасына түсінік берді. Осы жағдай қоғамда резонанс тудырып, әлеуметтік желіде кейбір қолданушылар оны "алдын ала жоспарланған PR" деп айыптаған еді. Бұл туралы Stan.kz ақпарат агенттігі хабарлайды.
Мәжіліс отырысында министр осы оқиға бойынша өзін ақтаудың қажеті жоқ екенін айтты.
"Әр адамның өз пікірі бар. Әркімнің ойына әсер ете алмаймын. Ең бастысы, өз міндетімді орындадым. Менің біреудің алдында ақталатындай жағдайым жоқ", - деді ол.
Әлназарованың айтуынша, дәл осындай жағдайда кез келген медицина қызметкері көмек көрсеткен болар еді, сондықтан бұл оқиғада "ерекше күмәнданатын жайт" жоқ.
"Өкінішке қарай, күмән келтіріп жатқандар бар. Бұл мен бірінші рет көмек көрсеткен жағдай емес. Тек алғаш рет біреу мұны әлеуметтік желіге жүктеді. Жолаушының қан қысымы көтеріліп, құсып жатқан. Сол кезде "осында дәрігер бар ма?" деп сұралды. Мен орнымнан тұрып, дереу көмекке бардым", – деді министр.
Денсаулық сақтау министрі ұшақта құтқарып қалған адам танымал журналист болып шықты
Денсаулық сақтау министрлігі 150 миллиард теңгеге вакцина сатып алып, жемқорлық жасады деп айыпталды
Еске салайық, оқиға 27 қараша күні Астана-Алматы бағытындағы рейсте болды. Жолаушылардың бірі өзін нашар сезінген кезде Ақмарал Әлназарова алғашқы медициналық көмек көрсетті. Оқиға куәгерлер тарапынан видеоға түсіріліп, Threads желісінде жарияланғаннан кейін кей қазақстандықтар оны "қойылым" деп бағалады.
"Ақыл-ойы кемістігін пайдаланып алдаған": Жамбыл облысында зорланып, жүкті болып қалған оқушының анасы 6 айдан бері әділдікке қол жеткізе алмай жүр
