Билік өкілдері үш тілде сөйлей алатын қазақстандықтардың санын айтты
Елімізде үш тілді меңгерген халықтың үлесі де жақсарып келеді. Ересек тұрғындар мен 12-17 жас аралығындағы оқушыларды қоса алғанда үш тілді меңгергендердің үлесі 20,5 процентке жеткен.
Бұл туралы Sputnik хабарлайды.
Елімізде қазақ тілін білетін тұрғындардың үлесі 82%-дан асты, деп хабарлады Мәдениет және спорт министрі Арыстанбек Мұхамедиұлы.
“Мемлекеттік тілді дамыту бағдарламаның екінші кезеңі аяқталды.
“100 нақты қадам” Ұлт жоспарына сәйкес бағдарламаға өзгерістер мен толықтырулар енгізіліп, үш тілді оқыту моделін дамыту міндетімен толықтырылды. Жыл сайын жүргізілген зерттеулер тұрғындардың мемлекеттік тілді меңгеруінде оң динамиканы көрсетті. 2016 жылы мемлекеттік тілді меңгерген тұрғындардың үлесі 82,3 процентті құрады”, — деп баяндады Мұхамедиұлы үкімет отырысында.
Оның айтуынша, үш тілді меңгерген халықтың үлесі де жақсарып келеді. Ересек тұрғындар мен 12-17 жас аралығындағы оқушыларды қоса алғанда үш тілді меңгергендердің үлесі 20,5 процентке жеткен.
“Үш тілді меңгеру аясында мемлекеттік қызметшілерді оқытуды ұйымдастыру қызметін жүзеге асыру мақсатында өткен жылы президент жанындағы мемлекеттік басқару академиясымен өзара түсініктік туралы келісімге қол қойылды. Жоба аясында орталық атқарушы органдарда мемлекеттік тілді оқыту курсына үш жүз адам қатысты. Биылғы жылы бұл дәстүр жалғасын тауып, қазақ және ағылшын тіліндегі курстарға қатысатын мемлекеттік қызметшілердің қатары екі есе артады”, — деді Мұхамедиұлы.
Сонымен қатар, республикада 87 аймақтық мемлекеттік тілді оқыту орталықтары жұмыс істейді.
Жіберіп алмаңыз:
Мемлекеттік кірістер комитетінің үш қызметкері жол апатынан көз жұмды
Білім министрлігі оқу жылының қысқартылуына қатысты жауап берді
Елбасы ұлттық валютаны қолдану туралы Жарлыққа өзгеріс енгізді