Алматыда қоғамдық көлікте қария оқушы қызға шабуылдады (Видео)
Алматыда қоғамдық көліктердің бірінде қария оқушы қыздың бетінен ұрып, шабуыл жасады. Оқиғаның видеосы әлеуметтік желілерде тарады. Бұл туралы Stan.kz ақпарат агенттігі хабарлайды.
Фото: Видео кадрларынан скрин
Зардап шеккен қыздың айтуынша, оқиға 6 желтоқсанда болған. Оқушы не болып жатқанын видеоға түсіріп, желіге салған.
"45 автобуста кәмелетке толмаған маған мас ер адам шабуыл жасады. Басында ол мені ояту үшін аяғымды тепкіледі. Кейін түрлі сөздер айтты. Тіпті бетімнен ұрып, көзілдірігімді жұлып алып, сындырды", – деп жазды ол видеода.
Видео кадрларында ер адамның боқтық сөздермен “бет жоқ бұл қызда” деп ашуланғаны көрінеді. Ал жолаушылар оны тоқтатуға тырысқан.
Алматы полиция департаменті оқиғаға байланысты видеода түсірілген ер адамның іздестіріп жатқанын мәлімдеді.
"Әуезов ауданының полиция басқармасы құқық бұзушының жеке басын анықтауға, оны ұстауға және жауапқа тартуға бағытталған іс-шаралар кешенін жүргізіп жатыр", – деді Алматы қаласы полиция департаментінің баспасөз қызметі.
Кейін полиция ер адамның ұсталғанын мәлімдеді. Ол құқықтық жауапкершілікке тартылады.