"Базарды аралап құрылыс заттарына дейін өзім таңдадым": Балжан Бидаш жаңа зәулім үйін көрсетті
"Кesh you" тобының бұрынғы мүшесі, әнші Балжан Бидаш көпшілікке жаңа зәулім үйін көрсетті. Әнші баспананың дизайны мен стилін өз қалауынша жасаған. Тіпті құрылыс заттарына дейін өзі таңдағанын айтты.
Бұл туралы Stan.kz ақпарат агенттігі "Жұлдызды weekend" бағдарламасына сілтеме жасап хабарлайды.
Балжан зәулім үйдің түсі мен стиліне, таңдалған заттарға тоқталды.
"Мен өзім стильді, сәнді, ерекше заттарды ұнатамын. Бәрі өз талғамыма сай жасалғанын қалаймын. Мәселен, көп адамдардың үйінде сары жылтыр түс тұрады. Бұл менің көңілімнен шықпайды. Мен еуропалық стильді ұнатамын. Яғни, суық түстер. Әрі үнемді, әрі әдемі болу үшін күлгін, ақ, қара, қою түстерді таңдадым. Үйдің дизайны да осындай түстермен безендірілді", - деді әнші.
Үйдің едені қара түсті, қабырғалары ақ. Ал, жиһаз бен перденің түсі қою көк түсті. Бой көтерген жаңа баспананың құрылысы әлі де аяқталмаған. Десе де, Балжан мен ата-анасы, ағасы ара-тұра осы үйге келіп қонып кетеді.
"Менің қала ішінде өз баспанам бар. Кейде осы үйге келіп қонып тұрамын. Қыз - қонақ дейді ғой. Сондықтан үйдің құрылысына көп көңіл бөліп жатқан жоқпын. Қазір шығармашылықен айналысып жүрмін", - дейді Балжан Бидаш.
Әнші өзі жоқ кезде таңдалған заттарды ерінбей қайта ауыстырып, қайта тапсырыс бергенін айтты. Бастысы - бәрі өз талғамына сай болу керек екенін жеткізді.
Зәулім үй үш қабатты. Астыңғы қабатта студия бөлмесі мен ас үй, қонақ бөлме орналасқан. Жоғары қабатта жатын бөлмелер.
Үш қабатты зәулім үйдің құрылысы басталғанына 5-6 жыл жүзі болыпты. Құрылысы аяқталған соң мұнда әншінің ата-анасы мен аға-жеңгесі тұрады.
Тағы оқыңыз
Балжан Бидашқа даусы жоқ әншілер "орныма ән айтып бер" деп қолқа салып жүр