Батыс Қазақстанда полиция қызметкері департамент ғимаратында оққа ұшып, жансақтау бөліміне түсті

Батыс Қазақстан облысы полиция департаменті қызметкердің жараланып, жансақтау бөліміне жеткізілгенін растады. Алдын ала болжамға сәйкес, ол облыстық Полиция департаменті ғимаратындағы бақылау-өткізу бекетінде абайсызда қызметтік қарумен өзін-өзі атып жіберген. Бұл туралы Stan.kz ақпарат агенттігі “Мой город” басылымына сілтеме жасап хабарлайды.

Фото: Mgorod.kz

Оқыс жағдайға қатысты полиция департаменті нақсы түсініктеме берген жоқ. Болған жағдайдан кейін араға 1 сағат уақыт салып ведомство қысқа жауап берді.

“Оқиғаның мән-жайы анықталып жатыр. Қазір полиция қызметкері жансақтау бөлімінде жатыр. Өзге мәліметтер қылмыстық-процестік кодекстің 201-бабына сәйкес жария етілмейді”, – делінген хабарламада.

• Атыс қаруы мен пышақ қолданған: Ақтөбеде жаппай төбелестен бір адам көз жұмып, бірнешеуі жарақат алды

• Дағыстанның екі қаласында теракт болып, оннан аса адам көз жұмды (видео)

Батыс Қазақстан Денсаулық сақтау басқармасы науқастың жағдайына қатысты пікір білдірді.

“Жедел медициналық жәрдем бригадасы 2003 жылы туған ер адамды облыстық көпсалалы ауруханаға жеткізді. Науқас шұғыл түрде операцияға жатқызылды. Қазір ол реанимацияда. Жағдайы ауыр”, – деді басқарма өкілдері.

Бұған дейін Қарағандыда бұрынғы полиция қызметкері өзін-өзі атып өлтірген еді.