Батыс Қазақстан аумағына ұшатын аппарат құлады
18 ақпан күні сағат 23:00-де Бөкейордасы ауданы Ұялы ауылының маңынан белгісіз ұшатын аппарат табылды. Бұл туралы Stan.kz ақпарат агенттігі хабарлайды.
Фото: Mgorod.kz
Көлемі 120 сантиметр болатын ұшатын аппаратты жергілікті тұрғындар тауып алған. Оқиға орнында полиция мен құтқару қызметі жұмыс істеді.
Қазақстан аумағында құлаған аппараттың фотосы да бар.
“Фото осы ақпараттық бюллетеньге қоса берілген. Іздеу жүйесі бұл құрылғының француздық Sagem компаниясы жасаған Crecerelle барлау ұшқышсыз ұшу аппаратына өте ұқсас екенін анықтады”, – деді делінген хабарламада.
Бөкейордасы ауданының әкімдігі болған жағдайды растады.
“Батыс Қазақстан облысы Бөкейордасы ауданы Ұялы ауылы маңында ұшқышсыз ұшатын аппаратқа ұқсас нысан табылып, полиция департаменті уәкілетті қызметтермен бірлесіп тексеру шараларын жүргізіп жатыр”, – деді әкімдіктегілер.
Бөкейордасы ауданының аумағында Ресей Федерациясы Қорғаныс министрлігі жалға алған "Капустин Яр" әскери полигоны бар.
Бұған дейін мұнай тасымалданатын Каспий құбыр консорциумының нысанына дрондар шабуыл жасаған еді.